Рұқсаттама

Рұқсаттама (орыс. Пропуск)

1. жауап ретінде айтумен қатар әз әскери қызметкерлерін тану құралы болып келетін құпия сөз. Әр тәулікке тағайындалады және командирлер мен күзеттік қорғаныс пен барлау бөлімшелерінің барлық жеке құрамына, ал жеке орналасқан бөлімшелердің қарауылдық қызмет атқару барысында патрульдеу тәсілімен патрульдеушілердің өз бетінше ауысымы үшін ауызша хабарланады. Шекара әскерлерінде рұқсаттама шекара нарядтарына, сонымен қатар тексеруші тұлғаларға мемлекеттік шекараны қорғауға тапсырмаларды беру кезінде хабарланады. Әскери бөлімдерде рұқсаттаманы бекіту штабтың, ал жеке орналасқан бөлімшелерде кезекшінің қызметі болып келеді. Рұқсаттама ретінде беретін жауаптың әрпінен басталатын қару-жарақ, әскери техника немесе әскери жарақтар заттарының атаулары болады (мысалы, рұқсаттама "Ракета", жауап "Рига"). Рұқсаттама түнде күзету сызығы мен орналасуы бойынша келесі бөлімшелерден әткен тұлғалардан сұралады.
2. тұлғасын растайтын және рұқсаттамалық тәртіп бекітілген әскери бөлім, күзетілетін объект, мекеме, әскери орындарының аумағына кіру құқығын беретін құжат. Рұқсаттаманың бір жолғы, уақытша, тұрақты, автомашиналардың жүруіне, парадтарға және т.б. арналған мүліктік (мүлікті шығару үшін) түрлері болады. Тұрақты рұқсаттаманың үлгілері бақылап-өткізу пунктерінің (БӨП) кезекшілерінде болады. Бір жолғы рұқсаттамалар әскери бөлім командирімен бекітілген тұлғалардын рұқсатымен БӨП бойынша кезекшімен, сонымен қатар бөлім бойынша кезекшінің үкімімен беріледі. Бір жолғы және уақытша берілген рұқсаттама тұлғаны расттайтын құжаттарды (төлқұжат, жеке куәлік және т.б.) көрсеткенде ғана жарамды болады.