Саида Калыкова

Калыкова Саида Тұрарбекқызы (1 сәуір 1985 Орал қаласы) – Астана қаласы Мемлекеттік академиялық филармониясының солисі, пианист, композитор. Қазақстан Республикасының мәдениетін дамытудағы үлесі үшін «Жан шуақ» сыйлығының иегері.

Өмірбаяны

Саида балалық шағынан бастап ерекшелігімен көзге түседі. Алты жасында бірінші сыныпқа барған кезінде әке-шешесіне айтпай-ақ музыка мұғаліміне жазылады. Нота сауаттылығын тез меңгеріп алады және фортепианода ойнауды үйрене бастайды. Бірақ 1994 жылы операциядан кейін, орта мектептің және музыка мектебінің үздік оқушысы көру қабілетінен айырылады. Басына түскен қиындыққа қарамастан, Саида музыкамен айналысуды да, жалпы білім беретін мектепте оқуды да жалғастыра берді. 12 жасында өзінің алғашқы музыкалық концертін береді. 15 жасында алғашқы музыкалық шығармаларын жазған еді.

Білімі

Мектепті аяқтағаннан кейін Орал қаласындағы музыкалық колледжге оқуға түседі. Осы оқу орнын үздік аяқтап Саида Ұлттық өнер университетіне түсті. Университеттің екінші курсында Италияның Киоджи қаласына шеберлік-сыныбына барады. Мектептің бағдарламасы бойынша ол Сан-Бартоломеода болған конкурсқа қатысып, жүлделі екінші орынға ие болады. Конкурстан кейін Румыния консерваториясының ректоры оны жабық конкурсқа қатысуға шақырады. Бұл пианисткомпозиторлардың өз туындыларын орындайтын сайыс болып табылады. Бүгінгі таңда Саиданың 15-20 шақты жеке шығармалары бар. Қаз ҰӨУ соңғы конкурсында ол Италияда тағлымдамадан өту грантына ие болды, италия тілін үйренеді. Ал содан кейін, 2011 жылы Саида республикалық «Болашақ» стипендиясының иегері атанады. Бұдан әрі ректордың шақыруымен Флоренциядағы Л. Керубини атындағы консерваторияға, көне музыкалық жоғары оқу орнының магистратурасына оқуға түседі. Дарынды қыз Бетховен және Дебюсси бойынша итальян тілінде екі ғылыми жұмысты өте жоғары деңгейде қорғап шығады және магистратураны ерекше үздік «Laude» белгісімен аяқтайды, музыка Академигі атағын алады. Бүгінгі күні Саида Қазақстанда, Ресейде және Италияда жеке концерттер береді. Саида қазақ, орыс, ағылшын, итальян тілдерін жетік біледі, ал испан және француз тілдерінде сөйлесу деңгейінде меңгерген.ол еліміздің қоғамдық өміріне белсене араласады және әлемнің түкпір-түкпіріндегі қайырымдылық 11 концерттеріне қатысады.

Жетістіктері мен марапаттары:

• 2017 жылы «Қазақстанның 100 жаңа тұлғалары» тізбесіне енді;
• «Жан шұақ» премиясының иегері;
• Ғазиза Жұбанова атындағы Республикалық атаулы стипендиясының лауреаты;
• Италия Елшілігіндегі Білім беру Грантының иегері, Қазақстан Республикасының Президентінің «Болашақ» Халықаралық стипендиясының және Қазақстан Республикасы мәдениетінің дамуына үлес қосқаны үшін «Жан шуақ» премиясының иегері;
• «Қазақстанның 100 жаңа тұлғалары» жобасының 2017 жылғы жеңімпазы.

Пианистка Қазақстан, Ресей және шетелдерде концерттік қызметін белсенді өткізіп жүр. Барлық әлем бойынша қайырымдылық концерттердің қатысушысы. Халықаралық конкурстардың лауреаты. М.Гoрзон (Испания), Дж.Тржичек(Бельгия), П.Гилилова (Германия), К.Пигораро (Италия), Е.и Л. Иванов (АҚШ), Ф.Шаплен (Франция) берген шеберлік кластарға қатысты.