Сайын атындағы көше (Алматы)

САйын.jpg

Сайын атындағы көше (Алматы). Көшеге қазақтың көрнекті ақыны, қоғам қайраткері, Ұлы Отан соғысының ардагері, ұстаз Жұмағали Сайынның есімі (Алматы қаласы атқару комитетінің 04.03.1964 №113 шешімі) берілген. Сайын Жұмағали (1912-1961) Көкшетау облысы Арықбалық ауданында дүниеге келген. Ол - «Бақыт әндері» (1936), «Жорық әндері» (1944), «Айғақ» (1948), «Самал» (1957) т.б. бірқатар өлеңдер мен поэмалардың авторы. Ж.Сайын «Қазақ әдебиеті» газетінің бас редакторы, «Жұлдыз» журналының бас редакторының орынбасары қызметтерін атқарған. Көше бойында Трамвай-троллейбус жөндеу зауыты, «Орбита» санаторийі, т.б. орналасқан. Көше Әуезов, Бостандық аудандарын қиып өтеді. Алматы қаласының басты магистральдарының бірінен саналады. Ол солтүстіктен оңтүстікке қарай созылып жатыр: Рысқұлов даңғылынан басталып, әл-Фараби даңғылына барып жалғасады. Көшенің ұзындығы - 5200 метр.[1]

ДереккөздерӨңдеу

  1. Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0