Самат Базарбайұлы Мұсабаев

Самат Базарбайұлы Мұсабаев (1 қаңтар 1969 жыл, Шайыр ауылы, Маңғыстау облысы) — қазақстандық кәсіпкер, құрылысшы, меценат, елдің саяси және қоғам қайраткері, 2021 жылдан бері Қазақстан Мәжiлiсі VII, VIII-сайланымдарының депутаты. Бұрын «Корпорация Каспий Строй-Сервис» ЖШС Бас директоры (2012 бері) және «Ajar Foundation» руханиятты қолдау қорының президенті (2007 бастап) болған.[1]

Самат Базарбайұлы Мұсабаев
Лауазымы
Ту
Ту
Қазақстан Мәжiлiсі VII, VIII-сайланымдарының депутаты
Ту
Ту
21 қаңтар 2021 жылдан бері
Президент Қасым-Жомарт Тоқаев
Премьер-Министр Асқар Мамин
Әлихан Смайылов
Өмірбаяны
Білімі Қорқыт Ата атындағы Қызылорда университеті
Мамандығы құрылыс инженері
Дүниеге келуі 1 қаңтар 1969 (1969-01-01) (55 жас)
Шайыр ауылы, Маңғыстау ауданы, Маңғыстау облысы, Қазақ КСР, КСРО
Қызмет еткен жылдары 1988–1989
Әскер түрі Кеңес әскері
Марапаттары
Құрмет ордені
Құрмет ордені

2007 жылдан қазіргі уақытқа дейін облыстағы 30 құрылыс компаниясын біріктіретін «Маңғыстау – Құрылыс» қоғамдық бірлестігінің басқармасын басқарады, Қазақстан Республикасы Дзюдо федерациясының вице-президенті және облыстық дзюдо федерациясының президенті болып келеді.[1]

Өмірбаяны өңдеу

1969 жылы 1 қаңтарда күні Маңғыстау облысының Маңғыстау ауданында, Шайыр ауылында көпбалалы мұғалімдер отбасында дүниеге келген. Байұлы тайпасының Адай руының Тобыш бөлімінен шыққан.[2]

Шетпе селосындағы №5 КТУ-ды бітіргеннен кейін 1987 жылы Ы. Жақаев атындағы Қызылорда Агроөнеркәсіп өндірісі инженерлері институтына түседі. Институтты 1994 жылы «өндірістік және азаматтық құрылыс» мамандығы бойынша бітіріп, «құрылыс инженері» біліктілігін алды.

1988 – 1989 жж. – Кеңес Армиясы қатарында әскери қызметін өтеді.

Еңбек жолы өңдеу

Еңбек қызметін 1994 жылы «Өзенмұнайгазқұрылыс» АҚ-да шебер болып бастап, прораб, учаске бастығы, осы қоғамның басқарма бастығының орынбасары қызметтерін атқарды.

2004 жылы – «СМК-4» ЖШС-гін құрып, құрылыс саласында жеке бизнесін бастады.

2012 жылдан бастап құрамында 13 компанияны біріктірген «Корпорация Каспий Строй-Сервис» ЖШС-нің бас директоры.

Соңғы 15 жылда оның басшылығындағы құрылыс компаниялары мемлекеттік тапсырыспен және NCPOC, «Қазақстан темір жолы» АҚ-ның тапсырыстарымен, сондай-ақ, өзінің жеке инвестициялық қаржысына 100-ден астам әлеуметтік маңызды нысандарды пайдалануға берді. «Қолжетімді баспана -2020» бағдарламасы бойынша 2012-2015 жылдар аралығында оның компаниялары жеке және несиелік қаржы есебінен Ақтау қаласының 29, 31а, 31б, «Шығыс-2» шағынаудандарында жалпы ауданы 75000 шаршы метрді құрайтын 1500 пәтерді пайдалануға берген.

Қоғамдық қызметі өңдеу

Маңғыстау облыстық мәслихатының депутаты.

Самат Мұсабаев «Нұр Отан» партиясының қалалық бөлімі саяси кеңесінің мүшесі.

2007 жылдан бері «Маңғыстау Құрылыс» қоғамдық бірлестігін басқарып келеді.

Маңғыстау облыстық «Дзюдо» федерациясының президенті.

2016 жылы Самат Мұсабаевтың Маңғыстау облысының әлеуметтік дамуы мен инфрақұрылымына бөлген қаражат соммасы 220 млн теңгені құрады.

Марапаттары өңдеу

  • Мемлекеттік және қоғамдық қызметіндегі жетістіктері, еліміздің әлеуметтік-экономикалық және мәдени дамуына, халықтар достығы мен ынтымақтастығының нығаюына қосқан үлесі үшін ҚР Президентінің Жарлығымен "Құрмет" орденімен марапатталған;
  • Қазақстан Республикасының «Құрметті құрылысшы»;
  • «Қазақстан Республикасының тәуелсіздігіне 20 жыл» медалімен марапатталған;
  • Маңғыстау облысының «Үздік құрылысшысы»;
  • Бизнестегі мінсіз қызметі мен жоғары қызмет сапасын үшін «Алтын Ягуар» халықаралық марапатының иегері.


Дереккөздер өңдеу

  1. a b [https://www.parlam.kz/kk/blogs/musabayevs/Biography МУСАБАЕВ САМАТ БАЗАРБАЙҰЛЫ: VIII сайланған Қазақстан Республикасы Парламенті Мәжілісінің Экономикалық реформа және өңірлік даму комитетінің мүшесі]  (қаз.). Қазақстан Мәжiлiсінің ресми сайты. Тексерілді, 4 маусым 2023.
  2. https://www.youtube.com/watch?v=qcwlqJC0LZo

http://7292info.kz/filantrop/ Мұрағатталған 9 қарашаның 2017 жылы. http://7292info.kz/mecenet-mugalimderdi-merekesimen-quttyqtady/ Мұрағатталған 12 қарашаның 2017 жылы.