Сарыарқа қойы

Disambig gray.svg Басқа мағыналар үшін Сарыарқа (айрық) деген бетті қараңыз.

Сарыарқа қойықазақы қой тұқымы. 1970 — 99 ж. аралығында Қарағанды облысыСарысу” және “Жеңіс” асыл тұқымды қой з-тында жергілікті қылшық жүнді саулықтарды еділбай тұқымы қошқарларымен сіңіре шағылыстырудан алынған екінші, үшінші буынды қойларды ұяң жүнді қарғалы қошқарларымен будандастыру арқылы алынған. Қошқарларының тірілей салм. 90 — 100 кг, саулықтары 62 — 65 кг. Енесінен айырғанда қозыларының салм. 33 —38 кг-ға жетеді. Әр қойдан орта есеппен 2,3 — 3 кг жүн қырқылады. Жабағы жүнінің түсі ақ, ақшыл, боз келеді, түбіті өтпелі және түрлі жуандықтағы жүн талшықтары болады. Қойлардың сойыс шығымы 49 — 53,5%. Сарыарқа қойының басы мен дене бітімі орташа, сүйегі мықты, тұмсығы дөңестеу, мойны ұзын, кең және терең кеуделі, арқасы жалпақ және түзу, құйрығы орташа және үлкен көлемді, тартыңқы, сан еті жақсы дамыған, тұяқтары мықты. Орт. Қазақстанның шөлейтті және құрғақ далалы аймақтарында жыл бойы табиғи жайылымда бағып өсіруге жақсы бейімделген. Қарағанды облысы Ұлытау және Жаңаарқа аудандарында өсіріледі.[1]

ДереккөздерӨңдеу

  1. Қазақ энциклопедиясы, 7 том