Сары қағаз

Сары қағаз — кейбір топтық ойын түрлерінде (оның ішінде футбол, гандбол) арбитр тарапынан ойыншыларға төменде берілген ойын бұзушылықтар үшін көрсетілетін ескерту белгісі.

• әдейі қолмен (гандболда аяқпен) ойнаған жағдайда • уақыт созғаны үшін • шабуылды ойын бұзу арқылы тоқтатқаны үшін • ысқырықтан бұрын допты тепкені үшін / айып добын ұру кезінде қабырғадан ерте шыққаны үшін • допты ысқырықтан кейін тепкені үшін (оффсайд анықталғаннан кезде немесе ойын тоқтатылғаннан кезде) • өрескел ойын үшін • спортқа жат іс-әрекеттер жасағаны .үшін • арбитрмен дауласқаны үшін (команда капитандарында да артық құқықтары жоқ) • симуляция (өтірік құлағаны) үшін • арбитрдің рұқсатынсыз ойыннан шыққаны/ ойынға кіргені үшін • Бір ойын барысында алынған екі сары қағаз үшін де қызыл қағаз көрсетіледі.

Регбиде сары қағаз көрсетілген жағдайда, ойыншы тек 10 минуттан соң алаңға қайтып орала алады.

Тарихы

1966 жылғы футболдан Әлем чемпионатында Аргентина мен Англия құрама командаларының арасында өткен ойында аргентиналық ойыншы Антонио Раттин арбитрдің ауызша айтқан ескертуін түсінбегені, немесе түсінгісі келмей алаңда тағы 9 минут бойы қалғаны үшін шиеленіскен жағдай орнады. Басталып кеткен ұрыс-керістің кезінде ағылшындық ойыншылар да арбитрдің ескертуін естімей қалыпты. Не болып жатқанын көрермендердің өздері де нақты түсінбеген екен. Мұндай жағдайлардың алдын алу мақсатында ағылшындық арбитр Кен Астон сары қағаз бен қызыл қағазды енгізу туралы ұсыныс жасайды. Ол халықаралық дәрежеде баршаға таныс светофор түстерінің бәріне аян схемасына сүйенген. 1970 ж. Әлем чемпионатында қағаздар алғаш рет практика жүзінде қолданылды. Содан кейін олар тез арада стандартқа айналды. Ең бірінші болып, ресми ойын барысында сары қағазды көрсеткен КСРО – Мексика ойынында арбитрлік қызметін атқарған Курт Ченшер болды. Ал сол сары қағазды бірінші болып алған КСРО құрама командасының ойыншысы Кахи Асатиани алды.

Қызықты фактілер

«Жылдамдық рекорды» Винни Джонсқа тиесілі: Ол 1991 ж. 16 қаңтарында өткен «Манчестер Сити» — «Шеффилд Юнайтед» арасындағы ойынның 5-ші секундында көз алдында сары қағазды көреді.Бірінен соң бірі алынған сары қағаздардың арасындағы ең қысқа мерзім 2010 жылдың 12 наурызында Италия футбол біріншілігіндегі «Интер» мен «Катания» арасындағы ойынға тиесілі. Сол кезде «Интердің» ойыншысы Сали Мунтари бар жоғы бір жарым минут ішінде екі сары қағаз алады. Ресей футбол біріншілігінде бұдан да тез алынған сары қағаздар бар еді.2006 жылғы футбол бойынша Әлем біріншілігінде Хорватия және Австралия құрама командалырының арасында өткен ойында күлкілі оқиға орын алды. Ойынның 88-ші минутында матчтің арбитрі Грэм Полл хорватиялық команданың қорғаушысы Йосип Шимуничке екінші сары қағаз көрсетеді. Алайда, хорватиялық ойыншы алаңды тастап кеткен жоқ. Ол ойынды ары қарай жалғастыра берді. Тек бірнеше минут өткен соң, қосылған уақыт кезінде ғана Полл Шимуничтің әлі де алаңнан кетпегенін байқайды. Арбитр Шимуничке үшінші сары қағаз көрсеткеннен кейін ғана ойыншы киім ауыстыру бөлмесіне кетеді.2006 жылы 25 маусымның Әлем біріншілігінде Португалия және Голландия құрама командаларының арасында өткен ойында ресейлік арбитр Валентин Иванов 16 сары қағаз, 4 қызыл қағаз көрсетеді. Бұл әлем чемпионаттарының рекорды. Сол кезге дейін әлем чемпионаттарында бір ойын барысында алаңнан қуылған ойыншы саны үшеуден көп болмаған.

Дереккөздер

1. ↑ Евгений Ловчев: «На самом-то деле моя желтая карточка на ЧМ-1970 – только третья по документам ФИФА». sports.ru (3 маусым 2010). Архивировано из первоисточника 14 ақпан 2012. 2. ↑ Как светофор повлиял на историю футбола.... football.hiblogger.net (20 желтоқсан 2010). Архивировано из первоисточника 14 ақпан 2012. 3. ↑ Самый-самый — Футбол — Sports.ru 4. ↑ Перейти к:1 2 Газета СПОРТ-ЭКСПРЕСС. ЧЕМПИОНАТ РОССИИ. ПРЕМЬЕР-ЛИГА. 7-й тур• ЦСКА — «ЛОКОМОТИВ» — 2:0• «ВЕЧНЫЙ» РЕКОРД КУСОВА: ДВА ПРЕДУПРЕЖДЕНИЯ ЗА ДВЕ МИНУТЫ ПОСЛЕ ВЫХОДА НА ЗАМЕНУ• Самы … 5. ↑ Новости. Футбол — чемпионат мира. СЭ: Шимунич получил три желтые карточки в одной игре. Спорт-Экспресс. Новости спорта : футбол, хоккей, теннис, баскетбол, биатлон — все виды … 6. ↑ Битва при Нюрнберге. Отчёт о матче Португалия — Нидерланды