Себастьен Алле

Себастьен Алле (фр. Sébastien Haller; 1994 жылы 22 маусымда туған, Париж, Франция) — Кот-д’Ивуарлық және француздық футболшы, "Боруссия Дортмунд" клубы мен Кот-д’Ивуар құрамасының шабуылшысы.

Себастьен Алле Футбол
сурет
Жалпы мағлұмат
Туған күні

22 маусым 1994 (1994-06-22) (28 жас)

Азаматтығы

 Франция
 Кот-д’Ивуар

Бойы

190 см

Салмағы

82 кг

Позиция

шабуылшы

Клуб жайлы ақпарат
Клуб

Германия Боруссия Дортмунд

Номері

9

Жастар клубы
2003—2005 Франция Виньо
2005—2007 Франция Бретиньи Фут
2007—2012 Франция Осер
Клуб карьерасы[* 1]
2012—2015 Франция Осер 50 (6)
2014—2015   Нидерланд Утрехт 17 (11)
2015—2017 Нидерланд Утрехт 65 (30)
2017—2019 Германия Айнтрахт Франкфурт 60 (24)
2019—2021 Англия Вест Хэм Юнайтед 48 (10)
2021—2022 Нидерланд Аякс 50 (32)
2022— Германия Боруссия Дортмунд 0 (0)
Ұлттық құрамы[* 2]
2010 Франция Франция U16 1 (0)
2011 Франция Франция U17 12 (6)
2011—2012 Франция Франция U18 4 (1)
2012—2013 Франция Франция U19 7 (3)
2013—2014 Франция Франция U20 7 (2)
2013—2016 Франция Франция U21 20 (13)
2020—  Кот-д’Ивуар 15 (4)
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

МансапӨңдеу

КлубтықӨңдеу

Себастьен футбол мансабын жергілікті "Виньо" және "Бретиньи Фут" клубтарында бастады. 2007 жылы "Осер" академиясына ауысты. 2011 жылы 26 маусымда "Осер" клубымен өзінің алғашқы кәсіби үш жылдық келісімшартына қол қойды[1]. Алғашқы ойынын 2012 жылы 27 шілдеде "Ним Олимпик" клубына қарсы ойында өткізді[2]. 2013 жылы 1 наурызда Себастьян 28-минутта "Арль-Авиньон" клубына қарсы ойында алғашқы голын соқты[3].

 
Алле 2013 жылы маусым айында

2014 жылы 24 желтоқсанда Себастьен "Утрехт" Эредивизи клубына маусымның соңына дейін жалға жіберілді[4]. 2015 жылы 18 қаңтарда Эредивизиде "Херенвен" клубына қарсы ойында тұңғыш рет алаңға шықты[5]. 2015 жылы 15 ақпанда "Дордрехтке" қарсы ойында жаңа клуб үшін алғашқы голын соқты. Маусымның соңына қарай ол чемпионаттың 17 ойынында 11 гол соғып, турнир қорытындысы бойынша Давид ди Томмазо атындағы сыйлықты алып, клубтың маусымдағы үздік футболшысы болып танылды[6]. Нәтижесінде Нидерланд клубы ойыншының келісім-шартын сатып алды және келесі екі маусымда ол Эредивизиде сәйкесінше 17 және 13 гол соғып, команданың басты бомбардирі болды. Сонымен қатар, 2015/16 жылғы Нидерланд кубогында 5 матчта 5 гол соғып, командамен финалға дейін жетіп, турнирдің үздік бомбардирі атанды. Жалпы, Себастьян екі жарым жыл ішінде клубта барлық турнирлерде 98 матчта 51 гол соқты.

2017 жылы 15 мамыр күні Себастьен неміс клубы "Айнтрахт"-пен төрт жылдық келісімге қол қойды[7]. Бірінші маусымда клубқа 30 жылда алғаш рет Германия кубогын жеңіп алуға көмектесті, турнир барысында 5 ойында 4 гол соқты. Бундеслиганың келесі маусымында ол 29 матчта 15 гол соғып, чемпионаттың үздік бомбардирлерінің тізімінде жетінші орынға ие болды.

2019 жылдың 17 шілдесінде ағылшын "Вест Хэм Юнайтед"-ке 40 миллион еуроға ауысты[8][9]. Келісімшарт тағы бір жылға ұзарту мүмкіндігімен 5 жылға есептелген. 2019 жылдың 31 шілдесінде Себастьян "Вест Хэм" сапындағы алғашқы голын "Герта" клубына қарсы жолдастық кездесуде соқты, онда "Вест Хэм" 5:3 есебімен жеңіске жетті[10]. 2019 жылы 10 тамызда Англия Премьер-Лигасында "Манчестер Сити"-ге қарсы дебют жасады. 2019 жылдың 24 тамызында ол "Уотфорд"-қа қарсы ойында клуб үшін Премьер-лигадағы алғашқы голын соқты[11].

2021 жылдың қаңтар айында "Аякс" клубына 22,5 млн еуроға ауысты[12]. Келісімшарт 2025 жылдың маусымына дейін есептелген.

2021 жылдың 15 қыркүйегінде карьерасында алғаш рет УЕФА Чемпиондар Лигасының матчында алаңға шығып, бірден "Спортинг" қақпасына покер жасады, ал алғашқы екі голын матчтың 9-минутында соқты. Бұл Чемпиондар лигасының тарихында 18-ші оқиға болды, онда ойыншы бір матчта 3-тен астам гол соқты, ал екінші рет ойыншы өзінің турнирдегі дебюттік ойынында покер жасады (бұған дейін Марко ван Бастен 1992 жылы сәтті болған). Бұған дейін Чемпиондар Лигасындағы хет-трик тек Дидье Дрогба жасаған.

2022 жылы 6 шілдеде дортмундтық "Боруссияға" ауысып, клубпен төрт жылдық келісімшартқа қол қойды[13]. Трансфер құны 31 млн еуроны құрады[14].

Ұлттық құрамадаӨңдеу

2010 жылы Францияның 16 жасқа дейінгі құрамасында алғашқы ойынын өткізді. Кейін 21 жасқа дейінгі құрамаларының бәрінде ойнап шықты.

Алайда Франция құрамасына емес, өз отаны Кот-д’Ивуар атынан шығуды жөн көрді.

2020 жылы қарашада Кот-д’Ивуар Ұлттық футбол құрамасына шақыртылды. 12 қараша күні Мадагаскарға қарсы ойында 2021 жылғы Африка Ұлттары кубогының іріктеу ойынында тұсаукесер матчын өткізіп, 68-минутта бір гол соқты[15].

ЖетістіктеріӨңдеу

КлубтықӨңдеу

«Айнтрахт»
  • Германия кубогының иегері: 2017/18
«Аякс»

ЖекеӨңдеу

  • Нидерланд чемпионатының үздік бомбардирі: 2021/22

ДереккөздерӨңдеу

  1. Sébastien Haller: "Gagner un titre avec la sélection U17 serait merveilleux" (French), FootMercato (26 June 2011). Тексерілді 27 шілденің 2012.
  2. Auxerre vs. Nîmes — 27 July 2012 — Soccerway
  3. Arles vs. Auxerre — 1 March 2013 — Soccerway
  4. FC Utrecht slaat slag: «Een jeugdinternational nota bene van een groot voetballand» (in Dutch). 24 December 2014. Retrieved 24 December 2014
  5. Utrecht vs. Heerenveen — 18 January 2015 — Soccerway
  6. Sebastien Haller wint de David di Tommaso trofee (Dutch). FC Utrecht. Тексерілді, 13 мамыр 2015.
  7. Sébastian Haller erster Eintracht-Neuzugang (German), Frankfurter Neue Presse (15 May 2017). Тексерілді 15 мамырдың 2017.
  8. West Ham complete club-record £40m Haller signing, Goal (17 June 2019). Тексерілді 17 маусымның 2019.
  9. Hammers make Haller their record signing.  (ағыл.). whufc.com. Тексерілді, 17 шілде 2019.
  10. Fornals and Haller net in exciting Hertha Berlin victory | West Ham United.
  11. Watford 1-3 West Ham United: Sebastien Haller's second-half brace secures points (24 August 2019). Тексерілді, 24 тамыз 2019.
  12. Ajax contracteert Sébastien Haller.  (нид.). ajax.nl. Тексерілді, 8 қаңтар 2021.
  13. BVB nimmt Sébastien Haller unter Vertragr.  (нем.). bvb.de. Тексерілді, 6 шілде 2022.
  14. Ajax en Borussia Dortmund bereiken akkoord over Sébastien Haller.  (нид.). ajax.nl. Тексерілді, 6 шілде 2022.
  15. Haller fait souffler la Côte d'Ivoire pour sa première.

СілтемелерӨңдеу