Себептес салалас сөйлем

Себептес салалас сөйлем орыс. сложносочинённое предложение причинысинтаксистік компоненттері бір-бірімен себептестік қатынаста тұратын салалас құрмалас сөйлем. Себептес салалас сөйлем ішіндегі себеп пен салдардың өзара тығыз қарым-қатынасы негізінде жасалады, сол себепті Себептес салалас сөйлемнің бір компонентінде іс-әрекеттің себебі, бір компонентінде салдары баяндалады.[1]

Себептес салалас сөйлемдер жасалу жолына қарай екі түрге бөлінеді:

  1. Жалғаулықты Себептес салалас сөйлемдер, олар сондықтан, сол себепті, өйткені, себебі жалғаулықтары арқылы жасалады: Қарт оның не ойлап отырғанын сезген жок, сол себепті бұл екеуіне көз де салған жок (Ә. Әбішев).
  2. Жалғаулыксыз Себептес салалас сөйлем. Оның компоненттері мағыналық үйлесімділігі және интонация тұтастығы негізінде жалғаулықсыз байланысады: Еңбек қылмай тапқан мал дәулет емес, Қардың суы секілді тез суалар (Абай).

Тағы қараныз: өңдеу

Дереккөздер өңдеу

  1. Тіл білімі терминдерінің түсіндірме сөздігі — Алматы. «Сөздік-Словарь», 2005 жыл. ISBN 9965-409-88-9