Сейтметов атындағы көше (Алматы)

Сейтметов атындағы көше.

Көшеге қазақтың талантты ұлы, белгілі актер, дарынды режиссер, Қазақстан Республикасының Халық әртісі, Мемлекеттік сыйлықтың лауреаты Райымбек Сейтметовтің есімі (Алматы қаласы мәслихаттың 6.03.2008 №83 шешімі мен Алматы қаласы әкімдігінің 14.03.2008 №2/139 қаулысы) берілген.

Сейтметов Райымбек Түркістан облысының Кентау қаласында дүниеге келген. Ол Ғабит Мүсірепов атындағы Жастар мен балалар театрын басқарған. Сахнада ондаған кейіпкерлерді сомдаған.

Көше Әуезов ауданының «Қалқаман-2» шағын ауданында орналасқан. Көшенің ұзындығы - 1600 метр.