Сейітжан Мелдебекұлы Қойбақов

Қойбақов Сейітжан Мелдебекұлы (5.3.1954 ж.туған, Жуалы ауданы Федоровка ауылы) – әскери қайраткер, генерал-майор (2003). Жамбыл гидромелиорациялық-құрылыс институтын бітірген (1980). КСРО Мемлекеттік қауіпсіздік комитетінің (МҚК) Мәскеу және Алматы қалаларындағы Жоғары курстарында арнайы дайындықтан өткен. 1981 – 92 ж. МҚК Жамбыл облысы басқармасында оперативтік қызметтерде болды. 1995 – 99 ж. ҚР Ұлттық қауіпсіздік комитетінің (ҰҚК) орталық аппаратында бөлім бастығы, Қарсы барлау бас басқармасының бастығы, ҚР ҰҚК Шығыс Қазақстан басқармасы бастығының орынбасары, 1999 – 2002 ж. ҚР ҰҚ Маңғыстау облысының департаментінің бастығы болды. 2002 жылдан ҚР ҰҚК “Арыстан” қауіпсіздік қызметінің бастығы.