Семиглавый мар

Семиглавый мар өңдеу

Тасқала аудандағы село, Достық селолық әкімшілігінің округінің орталығы. Аудан орталығы — Каменка селосынан солтүстік-батысқа қарай 22 км жерде, бетеге, боз басым, астық тұқымдасты шөптесіндер өскен қызғылт қоңыр топырақты дала белдемінде орналасқан.

Тұрғыны 0,8 мың адам (1999).

1975 жылы аудандық мал бордақылау шаруашылығын құруға байланысты қаланды. Оның негізіндеСемиглавый марда және округке қарасты Вавилино, Крутая селоларында бір серіктестік және 20 шаруа қожалығы құрылған.

Орта, орталау, бастауыш мектептер, мәдениет үйі, 3 кітапхана, фельдш.-акушерлік және 2 фельдш. пункт бар. Тұрғындары елді мекендермен автомобильды жолы арқылы қатынасады.

Семиглавый мар кендері өңдеу

Тасқала ауданының орталығынан (Каменка селосы) 25 км-де Семиглавый-І бор кені орналасқан.

Кеннің пайдалы қабатында ақ бор, жазатын бор бар. Пайдалы қабаттың қалындығы 9,5-тен 45,1 м-ге өзгереді.

Категориялық қоры — А-1,6 млн. т, В-29,18 млн.т, С1-52,8 млн.т. Қор қабаты суландырылмаған. Кеннің таулы техникалық жағдайында ашық әдіспен өңдеу қолайлы. Семиглавомар-ІІ саз кені Тасқала ауданы оршлығы — Каменка селосынан батысқа қарай 21 км-де орналасқан.

Пайдалы қабаты — сырт сазы (неоген қабаты). Химиялық құрамы біртекті. Ол цемент өндірісінде қолданылады.

Категориялық қоры — В-8,06 млн.т., С1-17,91 млн.т, Семиглавый І және Семиглавый II бор, саз кендерінен клинкер алынған.

Оны 400 марқалы цемент өндірісі үшін қолданады. 1 т клинкер өндіру үшін 0,32 т саз шығыңдалады. [1]

Дереккөздер өңдеу

  1. Батыс Қазақстан облысы. Энциклопедия. — Алматы: «Арыс» баспасы, 2002 жыл. ISBN 9965-607-02-8