Сергей Викторович Чекмезов

Сергей Викторович Чекмезов (10 қазан 1963) — КСРО және қазақстандық, ресейлік футболшы, қақпашы. Қазақстан футболының түлегі. 80-жылдардың соңында "Қайрат" командасында ойнаған. Кейін көптеген ресейлік клубтарда өнер көрсетті. Карьерасын аяқтаған соң біраз уақыт бапкерлікпен айналысты.

Сергей Чекмезов
Жалпы мағлұмат
Толық аты	Сергей Викторович Чекмезов
Туған күні	10 қазан 1963 (1963-10-10) (61 жас)
Азаматтығы	КСРО  Ресей  Қазақстан
Позиция	қақпашы
Клуб жайлы ақпарат
Клуб	карьерасын аяқтады
Клуб карьерасы 1981—1986 СКИФ (Алматы) 81 (?) 1987 Шахтёр Қ 23 (-24) 1988—1989 Қайрат ФК 29 (-42) 1990 Торпедо М 0 (0) 1991 Жемчужина 41 (-?) 1992—1993 Жемчужина 59 (-?) 1994 Крылья Советов 17 (−31) 1995 Черноморец (Новороссийск) 0 (0) 1996—1997 Энергия (Чайковский) 41 (68) 1998 Кубань (Краснодар) 4 (-6) 1999 Чкаловец 7 (-7) 2000 КАМАЗ-Чаллы 2 (-2) 2001 Жемчужина 4 (-5) 2007—2008 Восток ФК 0 (0) Бапкерлік карьерасы 2003 Урал ІІ бапкер 2003 Тараз қ.б. 2007 Алматы қ.б. 2010 Қайрат қ.б. 2013 Атырау қ.б.

Карьерасы

1981 жылы "СКИФ-Алматы" клубына қабылданды. 1986 жылға дейін КСРО екінші лигасында ойнады. 1987 жылдың басында осы лигадағы фаворит клубтардың бірі "Шахтерге" ауысты. 29 сәуір күні "Торпедо" (Көкшетау) клубына қарсы ойында тұңғыш рет алаңға шықты. Маусым біткенше 25 кездесуде клуб қақпасын қорғады.

1988 жылы "Қайрат" клубына ауысты, 4 маусымда КСРО кубогында тұңғыш рет "Қайрат" сапында алаңға шықты. Ал КСРО жоғары лигасындағы тұңғыш ойынын 12 шілдеде "Динамо" (Тбилисиге) қарсы өткізді , бұл ойында "Қайрат" 2:0 есебімен жеңіске жетті. Маусым соңында "Қайрат" бірінші лигаға түсіп қалды, есесіне КСРО федерациялар кубогында топ жарды. Чексезов Федерациялар кубогында үш кездесуде клуб қақпасын қорғады.

1989 жылғы маусымда "Қайрат" қақпасын Сергей Бураков екеуі алма-кезек қорғады. Маусым қорытындысында клуб жоғары лигаға жолдама ала алмады да, Чекмезов Мәскеудің "Торпедосына" ауысты. "Қайрат" сапындағы соңғы кездесуін 1989 жылы 14 қазанда Ташкентте "Пахтакорға" қарсы өткізді (3:2).

"Торпедода" Чекмезовтың жолы болмады, КСРО чемпионатында бір рет те алаңға шықпады. 1991 жылы екінші лигадағы "Жемчужинаға" қосылды.

2001 жылы карьерасын аяқтағанша ресейлік ортанқол командаларда ойнады.

2007 жылы карьерасын қайта жаңғыртып, "Востокпен" келісім шарт жасасты, бірақ алаңға шықпады. Оған дейін "Қайрат", "Тараз" клубтарында қ.б. қызметін атқарды.

Жетістіктері

• КСРО футбол федерациялары кубогы: 1988
• КСРО бірінші лигасының қола жүлдегері: 1989

Сілтемелер

• Профилі (footballfacts.ru)