Сергей Иванович Калмыков

Сергей Иванович Калмыков (6 қазан 1891, Самарқан — 27 сәуір 1967, Алматы) — кескіндемеші. Алғаш Орынбор гимназиясында, 1909—10 жылдар Мәскеу көркем мектебі мен Мәскеу кескіндеме, мүсін және сәулет өнері училищесінің дайындық курсында оқыды. Санкт-Петербургтегі В.Н.Званцеваның көркем мектебінде К.С.Петров-Водкин мен М.В.Добужинскийден дәріс алды.

Сергей Иванович Калмыков
Туған күні	6 қазан 1891 (1891-10-06)
Туған жері	Самарқан, Ресей империясы
Қайтыс болған күні	27 сәуір 1967 (1967-04-27) (75 жас)
Қайтыс болған жері	Алматы, Қазақ КСР
Азаматтығы	Ресей империясы  КСРО→  Қазақ КСР
Жанры	сурет, декоратор
Марапаттары
Сергей Иванович Калмыков Ортаққорда

Кейін Орынборға келіп, мекемелерді, қоғамдық ғимараттарды безендірді; Кескіндеме, мүсін, графика саласындагы туындылары, абстрактілі композициялары көптеген көрмелерге қойылды.

К.Орынбор театры мен циркінде, Орта Еділ көшпелі операсының спектакльдерін безендіруге қатысып, театр киімдерінің үлгісін жасады, 1935 жыл Қазақстанда жаңа ашылған муз. театрға (қазіргі қазақ акад. опера және балет театры) шақырылып, "Аида", "Кінәз Игорь", "Фауст", "Тоска", т.б. операларды көркемдеді. Калмыковтың "Ғалия" (1930), "Орынбор пейзажы" (1932), "Алматы" (1937), "Дина Нүрпейісова" (1938), "Бауда" (1944), "Абай атындағы опера және балет театры" (1947), "Медеу мұз айдыны" (1954), "Ымыртта" 1957), т.б. туындылары бар. Калмыковтың суреттері өнер тақырыбына арналған кітаптарда жиі жарияланып жүр. Оның майлы бояумен салынған картиналары, қаламмен, тушьпен қатты қағазға салынган гравюралары, акварельдері мен монотипиялары, абстракциялық композициялары Қазақстан Мемл. өнер мұражайында сақталган. Калмыковтың шыгармашылығы, еңбектері ғылыми-теориялық жағынан толық зерттелмеген.Әдеб.: Бучинская В., Сергей Калмыков. Альбом (казак тіліне ауд. З.Закиев), А., 1991.