Сергей Петрович Шевченко

Шевченко Сергей Петрович 1972 жылы 18 мамырда РКФСР Ростов облысы Тацин ауданының Михайлов хуторында туған. Орыс. Анасы - Цыб Галина Михайловна, зейнеткер, Көкшетау ет комбинатында тағамдық майлар аппаратшысы болып жұмыс істеген. Ш. Уәлиханов атындағы Көкшетау педагогикалық институтын (1994) орта мектептегі физика және математика пәндерінің оқытушысы мамандығы бойынша; Көкшетау университетін (2003) дене тәрбиесінің педагогы мамандығы бойынша бітірген. 1994 жылдан - Көкшетау қаласының Спорттың жазғы түрлері бойынша ОРБЖСМ жеңіл атлетика жаттықтырушы-оқытушысы. 2002 жылдан бері - Ақмола облысы Степногорск қаласының ОСДБМБ жаттықтырушысы. XXIX Олимпиада ойындарының күміс жүлдегері (Пекин, 2008) Некрасова Иринаны тәрбиелеген. ≪Ерен еңбегі үшін≫ медалімен марапатталған (2008). ҚР Еңбек сіңірген жаттықтырушысы (2008).

Үйленген. Жұбайы - Шевченко Ирина Григорьевна (1975 жылы туған). Ұлы - Шевченко Сергей Сергеевич (2004 жылы туған), қызы - Шевченко Екатерина Сергеевна (2007 жылы туған).