Серікхан Кенжебекұлы Серікбаев

Серікхан Кенжебекұлы Серікбаев - 1954 жылы 4 мамырда Алматы облысының Киров ауылында туған. Қазақ.

Әкесі - Серікбаев Кенжебек, марқұм, атқарушы комитетінің төрағасы, Талдықорған облысы аудандық комитетінің хатшысы болған. Анасы - Серікбаева Тәуірбала, марқұм, С.М. Киров атындағы ұжымшардың төрайымы болған.

В.И. Ленин атындағы Қазақ политехникалық институтын бітірген (1976), инженер-құрылысшы. Жергілікті және облыстық кезеңді баспалардағы кәсіподақтар туралы 9 жарияланымдардың авторы. Қазақ және орыс тілдерін біледі. КОКП (1981-1991), «Нұр Отан» ХДП (2007 жылдан бері) мүшесі. 1977 жылдан - «Алматымәденитұрмысқұрылыс», «Алматықұрылыс» трестерінің инженері, аға инженері, жобалау-сметалық, өндірістік бөлімдері бастығының орынбасары, іргелі құрылыс бөлімінің бастығы, бас инженер орынбасары. 1987 жылдан - Қарулы күштер қатарында қызметте (Чернобыль АЭС апатының салдарын жоюға қатысқан). 1988 жылдан - Алматы қаласы Мәскеу ауданының Бірыңғай тапсырыс беруші-құрылыс салушы қызметінің ұйымдастырушы-жетекшісі. 1991 жылдан - Алматы қаласы Мәскеу аудандық атқару комитеті төрағасының орынбасары. 1993 жылдан - «Садко» фирмасының бас директоры (Алматы қ.). 2005 жылдан - «АСК консалтинг» ЖШС директорының орынбасары. 2007 жылдан бері - «Құрылысшы» Алматы құрылыс және өнеркәсіп құрылыс материалдары саласының қызметкерлері кәсіподағының төрағасы. Мәскеу аудандық Халық депутаттары кеңесінің депутаты (1988-1992).

Алматы қаласының көптеген қала құрушы объектілерін салуға қатысқан, олардың ішінде Қазақстан Компартиясы ОК ғимараты, Орталық әмбебап дүкен, АММК Мәдениет сарайы, «Қазақстан» қонақ үйі, Пионерлер сарайы және т.б. «Айнабұлақ-3», «Айнабұлақ-4» ықшам аудандарын, аз қабатты «БГБИ» ықшам ауданын және Волочаевск аймағын салуды жүзеге асырған. «Серт» АҚ Директорлар кеңесінің мүшесі, тәуелсіз директоры (2010 жылдан). Алматы кәсіподақтар одағының кеңес мүшесі. Республикалық Чернобыль ардагерлері одағының кеңес мүшесі. «Ерлігі үшін» медалімен; «Чернобыльдегі апатқа 20 жыл» мерейтой белгісімен; ҚР Қорғаныс министрлігінің, Алматы қаласы, Алматы облысы әкімдерінің, Қазақстан Құрылысшылар қауымдастығының құрмет грамоталарымен марапатталған. ҚР Құрметті құрылысшысы. Әскери атағы - аға лейтенант. Діни көзқарасы - «Әркімнің дінге сенуге деген құқығын мойындаймын». Саяси қайраткер ретіндегі идеалы - Дж. Неру, Н. Мандела. Қазақстанның болашағы туралы болжамы - «Қазақстанның қазіргі сыртқы саясатты жалғастыру жағдайында Еуропа мен Азияда беделі мол, дұрыс ішкі саясат жүргізілген жағдайда - болашағы зор болады». Хоббиі - түркілер тарихын зерттеу. Сүйіп оқитын әдебиеті - Қазақстанның, түркілердің, діндердің тарихы.

Үйленген. Жұбайы - Тоқтиева Гүлнәр (1951 ж. т.), зейнеткер, Қазақ мемлекеттік қыздар педагогикалық институтында оқытушы болып жұмыс істеген. ¥лдары - Серікбаев Ринат (1978 ж. т.), кәсіпкер, Серікбаев Рустам (1980 ж. т.), кәсіпкер. Немерелері - Әмір, Хамза, Ескендір, Шахнур.

Серікхан Серікбаев баспасөз мәслихатында