Серік Балғатайұлы Өтешов

Серік Балғатайулы Өтешов 1963 жылы 20 қазанда Қарағанды облысы Жаңаарқа ауданы Жаңаарқа (Атасу) кентінде туған. Қазақ.

Арғын тайпасы Қуандық руының Тоқа бөлімінен шыққан..

Әкесі - Өтешов Балғатай (1912-1981), ҚазКСР Халық ағарту ісінің үздігі.

Қарағанды мемлекеттік университетін бітірген (1986), экономист. 14 ғылыми жарияланымның авторы. 1981 жылдан - Қарағанды мемлекеттік университетінің студенті. 1986 жылдан - Кеңес Әскерінің қатарында қызметте. 1988 жылдан - Жезқазған облыстық қаржы басқармасы бюджеттік бөлімінің аға экономисі, облыстық қаржы басқармасының экономисі, бас маманы, бөлім бастығы, бөлім бастығыныңбірінші орынбасары. 1995 жылдан - Жезқазған облыстық Сыртқы экономикалық байланыстар комитетінің төрағасы. 1996 жылдан - Жезқазған облыстық өнеркәсіп департаментінің бастығы, Жезқазған облысы әкімінің орынбасары. 1997 жылдан - Қарағанды облыстық қаржы басқармасы бастығының орынбасары, бастығы. 1999 жылдан - Қарағанды облысы әкімінің орынбасары. 2004 жылдан - ҚР Президенті Әкімшілігі Мемлекеттік бақылау және жұмысты ұйымдастыру бөлімінің мемлекеттік инспекторы. 2006 жылдан - Қарағанды облыстық қаржы департаментінің директоры. 2010 жылдың ақпанынан бері - Қарағанды облысы әкімінің бірінші орынбасары.

«Қазақстан Республикасының тәуелсіздігіне 10 жыл» (2002), «Қазақстан Республикасының Конституциясына 10 жыл» (2005), «Ерен еңбегі үшін» (2006) медальдарымен марапатталған.

Әскери атағы - подполковник.

Діни көзқарасы - атеист.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Қазақстанды өзіне әлемдегі ең жаңа да алдыңғы қатарлының бәрін сіңіретін, ғаламдық экономикалық процестерге сай дамитын ел ретінде көру».

Сүйіп оқитын әдебиеті - проза.

Үйленген. Жұбайы - Өтешова Гүлнар Ахметқалиқызы (1962 жылы туған). Ұлы - Өтешов Азамат Серікұлы (1986 жылы туған).