Солтүстік Қазақстан облыстық мемлекеттік мұрағаты
Солтүстік Қазақстан облыстық мемлекеттік мұрағаты — ғылыми-құжаттық мекеме, архив.
1923 жылы қазан айында ұйымдастырылған. 1928 жылдан Петропавл округі архиві 1932–1936 жылы Қарағанды облысы архиві, 1939 жылдың шілде айынан бастап Солтүстік Қазақстан облыстық мемлекеттік архивы деп аталады. Құрамында 3 бөлімшесі, аудитория архивтері бар. Солтүстік Қазақстан облыстық мемлекеттік мұрағаты Солтүстік Қазақстан облысының мұрағат және құжаттамалар басқармасына қарайды.
Губерниялық, уездік трибуналдар мен азық-түлік комитеттерінің қорларында олардың қызметіне байланысты мәліметтер кездеседі. Атап айтқанда Колчак әскеріне қарсы күрес, кеңес үкіметінің орнауы, халық шаруашылығын қалпына келтіру, орталық аймақтарды азық-түлікпен қамтамасыз ету, т.б. деректер шоғырланған. Ауыл шаруашылығын ұжымдастыру, алғашқы коммуналарды ұйымдастыру, көшпелі халықты отырықшыландыру, тап күресіне байланысты деректер жинақталған.
Жер шараларына байланысты мекемелердің қорларында жеке шаруаларды ұжымдастыру, қоныс аударушыларды орналастыру, мал шаруашылығының дамуы, егіс көлемінің артуы, отырықшылық өмірге көшкен қазақтардың тұрмыс жағдайын жақсарту, ауыл шаруашылыгын қайта құру саласындағы МТС-тердің рөлін көрсететін құжаттар сақталған. Халық шаруа кеңестері мен жекелеген өнеркәсіп орындарының қолдарында зауыт, фабрикаларды мемлекет қарамағына алу барысы, халық шаруашылығын қайта құру еңбек өнімділігін арттыру, өндірістің тиімділігін көтеру туралы құжаттар кешені топтастырылған.
Халық ағарту, денсаулық сақтау, мәдени ағарту қорларында тұрғындарға мәдени-тұрмыстық қызмет көрсету, қызыл отау, еңбек мектептерінің ашылуы, сауатсыздықты жою жолындағы күрес, халыққа дәрігерлік көмек көрсету, т.б. мәліметтер шоғырланған. 2-дүниежүзілік соғыс кезіндегі майдандағы және тыңдағы еңбектері туралы құжаттар Петропавл қалалық атқару комитетінің, радио комитетінің, ауыл шаруашылық мекемелерінің қорларында топтастырылған. Бұл архивте магниттік таспалар мен бейне құжатқа түсірілген деректер де молынан кездеседі. Архивте ғылыми анықтама бөлімі жұмыс істейді.[1]
Дереккөздер
өңдеу- ↑ "Қазақ энциклопедиясы", 7 том
| Бұл мақаланы Уикипедия сапа талаптарына лайықты болуы үшін уикилендіру қажет. |