Соғыс стратегиясы

Соғыс стратегиясы — әскери өнердің ең жоғарғы саласын білдіретін құрамдас бөлімі. Ол Қарулы Күштерді соғысқа дайындаудың, оны жоспарлау мен жүргізудің теориясы мен практикасының мәселелерін қамтиды. Соғыс стратегиясымемлекет саясатымен тығыз байланысты, оған тікелей тәуелді жағдайда болып, әскери доктринаның талаптарына сай келеді. Саясат Соғыс стратегиясы алдына міндеттер қойып, ал стратегия олардың орындалуын қамтамасыз етеді. Соғыс стратегиясы теориясы соғыстың шынайы заңдылықтарын зерттеп, оған әскерлерді пайдалану, дайындау мен стратег. операцияларды жүргізудің әдістері мен түрлерін жасап шығарады. Саясат алға қойған мақсаттар негізінде стратег. басшылық өзінің практик. қызметінде елдегі Қарулы Күштердің мүмкіндіктеріне сай жоспарлар жасайды, оның мақсаттары мен міндеттерін анықтап, ел мен оның Қарулы Күштерінің мүмкіндіктерін, қалыптасқан барлық жағдайлардың объективтік сипатын жан-жақты есепке алуға ұмтылады. Егер Соғыс стратегиясы мемлекеттің (мемлекеттер коалициясының) әскери-экон. мүмкіндіктері мен әскери-саяси жағдайына жауап бермесе, бұл ол мемлекеттің (коалицияның) жеңілісіне әкеп соғады. Соғыс стратегиясы өте ежелгі заманда пайда болып, өндірістің даму дәрежесіне, қоғамдық сипатына, жаңа қарулар мен әскери техниканың пайда болуына, соғыстар жүргізудің практикасына сәйкес біртіндеп қалыптасты. Қоғамдық экон. формациялардың алмасуы Соғыс стратегиясының сипатты белгілері мен мазмұнының өзгеруіне әкеледі. Мыс., Гитлерлік басшылық өзінің Соғыс стратегиясының негізінеКСРО-ны бір ғана әскери науқан барысында талқандауға есептелген “Қауырт соғыс” идеясын алды (қ. Барбаросса жоспары). Іс-әрекеттің шешуші түрі стратег. шабуыл болып есептеледі. Кеңес-герман соғысындағы екі стратег. бағыт күресінің нәтижесінде кеңестік Соғыс стратегиясыгерман командованиясынан өзінің толық басымдығын көрсетті. Кеңестік Соғыс стратегиясы әскери-саяси жағдайды объективті есепке алу мен күрестің әрбір кезеңінде қарсыластар күштерінің нақты арасалмағын ескеруге негізделді. Ол стратег. басымдықты иелену мен оны ұстап тұру үшін тұрақты күрес жүргізумен; негізгі соққылар жасалатын бағыттарды шебер таңдай білуімен; таңдап алынған бағыттарда күштер мен құралдарды батыл топтастыра білумен; майдандардағы топтар үшін стратег. операциялар жасаумен; оларды жүзеге асыруымен; Қарулы Күштердің барлық түрлерін тұрақты үйлестіруді ұйымдастыру мен жүзеге асыру, резервтерді дұрыс пайдалана білумен; майдандағы әскерлердің іс-әрекетін жау қолындағы партизан қозғалысымен үйлестіруімен сипатталады. ҚР әскери стратегиясы елдің ұлттық қауіпсіздігін қамтамасыз етуге бағытталған, мемлекеттің қалыптасуы мен дамуы стратегиясына негізделген.