Сумбандар

Сумбандар — Индонезия аумағында тұратын ұлт. Кіші Зонд архипелагындағы Сумба аралында тұрады. Олар осы аралдың байырғы халқы болып есептеледі. Жалпы саны 500 000 адам.

Сумбандар
Бүкіл халықтың саны
500 000
Ең көп таралған аймақтар
Индонезия
Тілдері
сумба тілі
Діні
христиандық, суннизм, дәстүрлі нанымдар

Тілі

Тілі - сумба тілі. Көрші аймақтарда өзара түсінікті бірнеше диалектілері бар (ең күшті айырмашылықтар шығыс және батыс диалектілері арасында).

Діні

Дінге сенушілердің діни наным-сенімдері: реформаторлық христиандар, бір бөлігі – сүнниттік мұсылмандар, дәстүрлі нанымдар.

Кәсібі

Негізінен егіншілікпен айналысады. Азық-түлік дақылдары – күріш, жүгері, тары, түйнектер, кофе, жемістер, көкөністер және бұрыш. Мал шаруашылығы, әсіресе жылқы шаруашылығы дамыған, буйволдар өсіреді. Сумбандар жергілікті маталарды бояумен танымал.

Тұрмыс салты

Қоғам бірнеше әлеуметтік қабаттарға бөлінеді: ақсүйектер (қоныстардың негізін салушылар, тайпа көсемдері мен діни қызметкерлер), қауым мүшелері және қауымға келген адамдар. Неке патрилокальды. Көп әйелділік қоғамның ауқатты топтарында кездеседі. Отбасы шағын, сонымен қатар, жалғыз баспана – ұзын үйі бар көпбалалы қауымдартықтар да бар. Дәстүрлі наным-сенімдерден ата-бабалар культі мен аграрлық культтер кең таралған. Көптеген күнтізбелік рәсімдер бар: Жаңа жыл - ауылшаруашылық маусымының басталуы, алғашқы жемістер мерекесі және т.б.

Дәстүрлі үйлері

Елді мекендері мен дәстүрлі баспаналары

Дәстүрлі елді мекендері шашыраңқы орналасқан, ата-бабалар культінің мегалиттік ғибадатханасы бар алаң бар. Тұрғын үйлері қаңқалы, қадаларда орналасқан. Ұзын үйлер сақталған.

Дәстүрлі киімдері

Ерлердің киімі – каин мен көйлек.

Дәстүрлі тағамдары

Тамақтары – көкөніс өнімдері. Етті мереке күндері пісіріп немесе қуырып жейді.