Марат Хасенғазыұлы Сүлейменов

Марат Хасенғазыұлы Сүлейменов (1962 жылы 28 қыркүйекте Семей облысының Үржар ауылында туған. Қазақ.) - Грек-рим күресінен ҚР Еңбек сіңірген жаттықтырушысы (2006).

Өмірбаяны

Н.К. Крупская атындағы Семей педагогикалық институтының дене тәрбиесі факультетін (1984) дене шынықтыру пәнінің оқытушысы мамандығы бойынша; Шәкәрім атындағы Семей мемлекеттік университетін (2006) қаржыгер мамандығы бойынша бітірген.

1984 жылдың тамыз айынан - БЖСМ күрес сыныбының жаттықтырушысы. 1984 жылдың қазан айынан - Кеңес Әскерінің қатарында қызметте. 1986 жылдан - Семей облысы Үржар ауданының Ақжар ОМ дене шынықтыру мұғалімі. 1987 жылдан - Семей облысы Үржар аудандық атқару комитетінің дене шынықтыру және спорт бөлімінің төрағасы. 1992 жылдан - ШҚО Үржар аудандық әкімшілігінің туризм, дене шынықтыру және спорт аудандық бөлімінің бастығы. 2004 жылдың наурыз айынан - Семей қалалық Туризм және спорт істері жөніндегі комитет бастығының міндетін атқарушы, 2004 жылдың тамыз айынан - комитет бастығы. 2005 жылдан - Семей қалалық білім және спорт бөлімі меңгерушісінің орынбасары. 2006 жылдың қаңтар айынан - Семей қаласындағы «Спорт резервінің штаттық ұлттық командаларының дирекциясы» РМҚК директорының орынбасары.

2006 жылдың желтоқсан айынан бері - «Шығыс Қазақстан облыстық Семей қаласы бойынша олимпиада резервінің мамандандырылған балалар-жастар спорт мектебі» MM директоры.

Әскери атағы - запастағы полковник.

Отбасы

Әкесі - Сүлейменов Хасенғазы Сүлейменүлы. Анасы - Сүлейменова Зағила Иманқұлқызы.

Үйленген. Жұбайы - Сүлейменова Гүлбәзира Жұманқызы (1959 жылы туған). Ұлы - Сүлейменов Әділ Маратұлы (1998 жылы туған).