Сәкен Әбішев (1941 жылы туған), зоотехник. Еңбек жолын 1959 жылы жұмыскер болып бастады. Алматы зоотехникалық мал дәрігерлік институтын зоотехник мамандығы бойынша бітірген (1964).

1964-1992 жылдары «Қазқойөнеркәсібі» асыл тұқымды мал шаруашылығының жетекші маманы, Қазақ КСР Ауыл шаруашылығы министрлігінің қой шаруашылығы бас басқармасы бастығының орынбасары, ВАСХНИЛ президиумының ғалым-хатшысы, Қазақстан Компартиясы ауыл шаруашылығы және тамақ өнеркәсібі, партиялық ұйымдастыру бөлімінің нұсқаушысы, Жаңаарқа аудандық партия комитетінің бірінші хатшысы болды. 1992-94 жылдары халық депутаттары Жаңаарқа аудандық Кеңесінің төрағасы қызметін атқарды.[1]

ДереккөздерӨңдеу

  1. “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9