Сәт Есенбаев(1893, қазіргі Қостанай облысы,Амангелді ауданы- 1975, сонда) - ақын. 1916 жылы ұлт-азаттық көтеріліске қатысып, оның жалынды жыршысы болды, көтерілістің мәнін, елдің ахуалын, халықтың мұңын бейнелейтін өлең-жырлар шығарды. 1944—50 жылы Амангелді ауданы,Сартал ауылдық кеңесінің төрағасы болды. 2-дуниежүзілік соғыс жылдарында патриоттық жырларымен ел еңсесін көтеруге атсалысты. Отанды, туған жерді жырлаған өлеңдері «1916 жыл» (1940), «Ақын жырлары» (1958), «Пернедегі термелер» (1965), «Айтыс» (3-том, 1966) жинақтарында жарияланған. Халық батыры А.Имановтың өмірі мен қаһармандық күресін бейнелейтін «Амангелді» (1944) дастанын жазды. Халық акыны Н.Ахметбековпен 2 рет (1943, 1958) айтысқан. Ақын қазақ ауыз әдебиеті нұсқаларын жинауға елеулі үлес қосты.[1]

Дереккөздер өңдеу

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х