ТАСС

ИТАР-ТАСС, Информационное телеграфное агентство России – дүние жүзіндегі ірі ақпараттық агенттік. 1925 жылы 10 шілдеде құрылған. Санкт-Санкт-Петербург телеграф агенттігінің (СПТА, 1904), Санкт-Петербург телеграф агенттігінің (ПТА, 1914), Ресей телеграф агенттігінің (РОСТА, 1918), Кеңес Одағы телеграф агенттігінің (ТАСС, 1925) ізбасары саналады. 1992 жылы қаңтардан ИТАР-ТАСС деп аталады. Дүние жүзінің 67 еліндегі 132 аймақтық бөлімшелері, тілшілер пункті, деректерді сақтау және тарату құралдарының орталығы, анықтамалық және басқа да қызметтерінің дәлдігі, қалыптасқан әлемдік аймақтық жүйе – ИТАР-ТАСС-тың Ресейдегі орталық мемлекеттік ақпарат агенттігі мәртебесін сақтап қалуына ықпал етті. ТМД елдерінде 15 тілшілер пункті бар. Агенттік ұсынатын апталық ақпарат көлемі 3000 килобайт, немесе 150 газет бетінен астам. Жердің жасанды серіктері және байланыс жолдарымен күн сайын ақпараттық суреттер таратады. Бұл суреттерді Жапониядан АҚШ-қа дейінгі бұқаралық ақпарат құралдары пайдаланады. Ресей империясының патшасы Николай ҚҚ заманынан бүгінге дейінгі бай фототекада 1 млн-дай сурет бар. ИТАР-ТАСС 20 ғасырдың 80-жылдарынан бері толығымен жұмыстың автоматтандырылған техникасына көшірілген. ИНТЕЛСАТ-қа мүше және шет Жер орбитасындағы станцияларында жеке жүйесі бар.

Сілтемелер

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.