Талқылау:Қатынасу

Ең соңғы пікір: 3 жыл бұрын Alphy Haydar жазған
Осы «Қатынасу» деген мақала барлық Уикипедияларда болуы тиіс мақала тізіміне кіреді.
Бұны таңдаулы мақала не жақсы мақала деңгейіне дамытуы Қазақша Уикипедия қауымының елеулі мақсаты болып табылады.


Кешіріңдер, көп сөйлеп кетті демеңдер, Қатынасу деген ешқандай коммуникация деген сөздің аудармасы емес. Термин олай жасалмайды, дағдылы да емес. Дұрысы Коммуникация дегенді сол беті қалдыру, бұл әлемде көп тілдерде солай. Қазақ тілі өзі де түсінбейтін, ешкімге жалпыласпаған жасанды сөздерге толып барады. Бұл сөзді бір ақылды кісі шығып дұрыстайтын шығар деп үміттенемін. Өзгерте беру қолымнан келмеді. --Alphy Haydar (талқылауы) 14:25, 2020 ж. қыркүйектің 18 (+06)Жауап беру

@Alphy Haydar: кешіріңіз бұныңызға келісе алмаймын, әлем және ғылым тек термин сөздерден ғана тұрмайды, мысалы ағаш деген мақала бар, бұл ешқандай Tree сөзінің аудармасы емес, термин емес деп басқа тілде жазу керек пе? Қатынас деген сөз мақала бола алады, қатынастың түрі де көп --Аrysтanbek (талқылауы) 15:34, 2020 ж. қыркүйектің 18 (+06)Жауап беру

Қатынасу деген қатынастың жүріп тұрғанын көрсетеді ғой, ол көбіне адам аралық байланысқа қаратылғаны көрініп тұр. Ал коммуникация бұл күрделі термин, мысалы фейзбук коммуникациясы дегенді фейзбук қатынасуы дейміз бе, ондайда ол Бір іске қатынасу, қатысы мағынасын беріп кетеді ғой. Мен жиналысқа қатынастым дегендегі Қатынасу)) Сосын Коммуникативті деген сөз бар, ол жаңағының сын есім түрі, оны қатынасулық дейміз бе, кім оны түсінуі мүмкін? Коммуникация бұл көп ғылымдардың өте маңызды ұғымы, көп қолданылады, вербалды, вербалсыз дегендей түрлері бар. Тіл де коммуникацияның бір түрі, ол тіл қатынасуы дейміз бе? Ойланып көр. Әрине, егер арнайы түрде "қатынасу" ұғымы туралы, немесе "қатысу" туралы, немесе Байланысу, немесе Қарым-қатынас туралы жазуға болады. Бірақ мына жерде тек Коммуникацияға қатысты жазылуға тиіс, және басқа жерден сілтенгенде (Коммуникацияға қатысты) ол соған лайық болуы керек.--Alphy Haydar (талқылауы) 16:52, 2020 ж. қыркүйектің 18 (+06)Жауап беру

@Alphy Haydar: қарым қатынас мақаласы қала берсін, ал коммуникацияға бөлек мақала арнап жазу керек, екеуінің айырмашылығы айқын көрініп тұрса. --Аrysтanbek (талқылауы) 17:09, 2020 ж. қыркүйектің 19 (+06)Жауап беру

Жоқ, өйтудің қажеті жоқ. Бұл мақала өзі Коммуникация туралы, басқы екі-үш жолын айтпағанда, қалғаны түгел Коммуникация туралы екен. Кім жазса да алғашында Коммуникация туралы жазып, кейін оның басына біреу екі-үш жол Қатынасу туралы сөздер қосқан секілді. сондықтан төбесіндегі бірнеше жолды бөлек шығару керек. Қалғаны дұрыс. Тақырыбы ғана сай келмей тұр. Бірақ мен бұл туралы мақала жазу және өзрерту ойым жоқ. Бастап қойып, ары қарай жетілдірмеген тақырыбым көбейе бастады, солармен айналысуға тырысамын. Мұны бұл салаға көңіл бөлетін Әлеуметтанушыларға қалдырған дұрыс секілді. Керек болса өзгертіп алсын. --Alphy Haydar (талқылауы) 17:19, 2020 ж. қыркүйектің 19 (+06)Жауап беру

«Қатынасу» бетіне қайту.