Уикипедия:Бейтарап көзқарас

Бейтарап көзқарасУикипедияның ережелерінің бірі. Бұл ереже бойынша Уикипедиядағы мақалалардағы деректер белгілі көзқарасқа бейімді болмау керек.

Мақаладағы пайымдау абсолютты ақиқат ретінде ұсынылмау керек. Ерекшелік ретінде ғылыми деректер болуы мүмкін. Мысалы, «Кот-д’Ивуар — Батыс Африкадағы мемлекет» деген дерек ғылыми факт, яғни бейтарап көзқарас. Ал «Балалық шақ — адамның өмірінің ең жақсы кезеңі деп есептеледі» деген мәлімет бейтарап көзқарас емес, себебі:

  1. «Жақсы кезең» деген ұғымның түсінігі берілмеген және «кіммен есептеледі?», «қанша адам солай есептейді?», «бұны кім зерттеген?» сияқты сұрақтарға жауаптар берілмеген.
  2. Бұл пікір ақиқат ретінде ұсынылып отыр, бірақ, шын мәнінде, кейбір адамдар бұл дерекпен келіспеуі мүмкін.

Егер де мақаладағы мәлімет қайшы келетін көзқарас пен пікірлер тудырса, мақалада осы пікірлердің бар екені туралы айтылу керек. Бірақ ең басты принцип — бұл пікірлердің ешқайсысын ақиқат ретінде ұсынуға болмайды.

Бейтарап көзқарас (УП:БК), Джимми Уэйлстің айтуы бойынша, бұл Уикипедияның барлық тіл бөлімшелерінде сақталатын негізгі принцип, абсолюттік және еш талқыланбайтын талап.