Тасшымшықтар

Тасшымшықтар (лат. Oenanthe) — сайрауықтар тұқымдасына жататын құстардың туысы. Еуропа, Африка және Азияда (тек тропиктік аймақтарда кездеспейді) мекендейтін 22 түрі бар. 1 түрі Солтүстік Американың арктикалық белдеулерінде тіршілік етеді.Дене тұрқы 14 — 18 см, тұмсығы жіңішке, бекитін жеріне қарай кеңейеді. Аяқтары мықты, жерде секіріп жүреді. Жыл құсы. Ұяларын жыраларға, шатқалдардың жарығына, тұрғызылып жатқан құрылыстарға салып, кейде кеміргіштердің ескі індерін де пайдаланады. Ұясында 4 — 8 көгілдір түсті жұмыртқалары болады. Шақшақайлар — жәндік қоректі құстар.

Тасшымшықтар
Кәдімгі тасшымшық (еркек)
Ғылыми топтастыруы
Дүниесі: Жануарлар Жамағаты: Хордалылар Табы: Құстар Сабы: Торғайтәрізділер Тұқымдасы: Muscicapidae Тегі: Oenanthe Vieillot, 1816
Түрлері
22

Түрлері

Қазақстанның барлық аймақтарына таралған 7 түрі белгілі:

• кәдімгі тасшымшық (Oenanthe oenanthe)
• қасқа тасшымшық (Oenanthe pleschanka)
• испан тасшымшығы (Oenanthe hispanica)
• қара тасшымшық (Oenanthe picata)
• қараалқымды тасшымшық (Oenanthe finschii)
• шөл тасшымшығы (Oenanthe deserti)
• шыбжың тасшымшық (Oenanthe isabellina)