Толымсыз жандар қаласы

Толымсыз жандар қаласы – американдық жазушы Ренсом Риггздің романы, «Ерекше балалар үйі» романының сиквелі. Кітап оригиналы 14 қаңтар 2014 жылы АҚШ-нда ағылшын тілінде «Quirk Books» баспасымен шығарылғын. Оқиға бірінші кітап аяқталған орыннан басталып, Джейкоб пен оның достарының Мисс Сапсан үйінен жырақ кетіп, «Ерекше әлем астанасы» - Лондон қаласына жасаған сапары туралы баяндайды.

Толымсыз жандар қаласы
Hollow City
Авторы	Ренсом Риггз
Түпнұсқа тілі	ағылшын тілі
Жариялануы	2014
Баспагер	Quirk Books
ISBN	978-1-59474-612-3
Алдыңғысы	Ерекше балалар үйі
Келесі	Жандар кітапханасы

Сюжет

Балалар крипто-сапиенстерді (ереше, паранормальді қасиеттерге ие адамдар) аулайтын, барлығынын көзіне көріне бермейтін құбыжықтардан қашып кеткеннен кейін, күшті теңіз дауылының астында қалды. Жағажайға жеткеннен кейін, жасөспірімдердің артынан мақұлықтар, бұрын ерекше адамдар болғандар, келе жатқаны білінеді. Балалар қорғаныш іздеп, орманға жүгіреді, алайда, жүгіретін бағыт не орын жоқ екенін аңғарады. Өздеріне орын таппай, басты кейіпкерлер орманды аралап жүрген еді, бірақ кейін олар Мисс Сапсан үйінен алып кеткен «Ерекшеліліер әңгімелері» кітабын естеріне түсіреді. Кітаптағы ертегі көмегімен Мисс Сапсан түлектері жаңа уақыт орамын тауып, ерекше жануарларға толы уақыт цикліне кіреді. Осы орамның имбринасы Мисс Королек басқа имбриналарға көмектесу үшін Англияға кеткенін білгеннен кейін Джейкоб пен оның достары имбринаны іздеуге аттанады. Осы сапар барасында ерекше балалар кездестірген цыгандар тобы оларға қалаға жетуге және тағы басқа заттармен көмектеседі.

Сиквел

Мисс Перегрин (Мисс Сапсан) топтамасының үшінші «Жандар кітапханасы» атты кітабы 2015 жылдың 22 қыркүйек күні жарық көрді.

Кейіпкерлер

Кейіпкерлер	Ерекше қасиеттері
Клэр Денсмор	Екінші ауызы бар кішкентай қыз.
Мисс Баленсиага Рен	Ерекше жануарлар уақыт орамының имбринасы.
Сэм	Регенерация қасиетіне ие ерекше қыз.
Эсме	Сэмнің сіңілісі
Каул Бентам	Мисс Сапсанның інісі, басты антоганист.
Мелани Манон	Телекинез қасиетіне ие ерекше қыз.
Джейкоб Портман	Ерекше адамдарды аулайтын құбыжықтарды көре алатын ерекше жасөспірім, басты кейіпкер.
Эмма Блум	Отты тудыра алатын ерекше жеткіншек.
Миллард Наллингс	Көрінбейтін бала
Эддисон МакГенри	Жоғары зияткерлік дарындылығы бар ереше ит.
Хью Апистон	Хьюдің ішінде аралар тұрады. Ол аралармен сөйлесіп, ораларды басқара алады.
Дердра	Мисс Рен уақыт орамының ерекше жануары.
Алтея Гриммебвальд	Криокинез қасиетіне ие ерекше қыз.
Енох О’Коннор	Өлі денелерді қысқа уақыт аралығына тірілте алады.
Бронвин Брантли	Нанғысыз күшке ие ерекше қыз
Оливия Аброхолос Элефанта	Ауадан да жеңіл қыз, левитация қасиетіне ие қыз.
Гораций Сомнассон	Болжаулық түстерді көре алады.
Фиона Фрауэнфельд	Өсімдіктерді едәуір өлшемге дейін өсіре алады.
Сүйекті ағайындылар	Эхолокация қасиетіне ие ерекше ұлдар.