Тілеуқабыл Өмірбеков

Тілеуқабыл Өмірбеков (1939 жылы, Таңсық) — Қазақ КСР Семей облысы, Шұбартау ауданы, Калинин атындағы кеңшарының аға шопаны. Социалистік Еңбек Ері (1973), Қазақ КСР Жоғарғы Кеңесінің 8-шақырылымының депутаты.

Тілеуқабыл Өмірбеков
Туған күні

1939 (1939)

Туған жері

Таңсық ауылы

Марапаттары мен сыйлықтары
Социалистік еңбек ері
Ленин ордені Ленин ордені
Құрмет ордені
Құрмет ордені
Қазан төңкерісі ордені Құрмет Белгісі ордені

Өмірбаяны өңдеу

1939 жылы Таңсық станциясында (қазір Шығыс Қазақстан облысы, Аягөз ауданының құрамына кіреді) дүниеге келді. 1958 жылдан бастап Шұбартау ауданындағы Калинин атындағы ұжымшарда шопан, аға шопан болып жұмыс істеді. 1967 жылы КОКП қатарына қабылданды.

Тілеуқабыл Өмірбеков басқарған топ жыл сайын қой шаруашылығы бойынша тапсырманы артығымен орындап, орта есеппен әр жүз ұрғашы қойдан 125 қозы алып, әр қойдан орта есеппен 3,5 келі жүн алып отырды. Тоғызыншы бесжылдықтың басында (1971-1975 жж.) топ ұжымшардық отардағы мал басын көбейту бойынша еңбек міндеттемелерін қабылдап, Бүкілодақтық социалистік жарысқа шықты. 1973 жылы әр жүз ұрғашы қойдан орта есеппен 135-тен қозы алынып, әр мал басынан орта есеппен 3,2 келі жүн алынды.

Бүкілодақтық социалистік жарыста қол жеткізген зор табыстары және 1972-1973 жылдардың қысқы маусымында мал шаруашылығы өнімдерін өндіру мен дайындауды ұлғайту бойынша қабылданған міндеттемелерді орындауда көрсеткен еңбек ерлігі үшін оған Социалистік Еңбек Ері атағы берілді. КСРО Жоғарғы Кеңесі төралқасының 1973 жылғы 6 қыркүйектегі Жарлығымен Ленин орденімен және «Орақ пен Балға» алтын медалімен марапатталды.

1973 жылдан бастап — Шұбартау ауданы «Бағанас» кеңшары комсомол-жастар бригадасының бригадир-тәлімгері.

КОКП XXIV съезіне делегат, Қазақ КСР Жоғарғы Кеңесі төралқасының депутаты және мүшесі (1971-1975), КОКП Семей облыстық комитетінің мүшесі болып сайланған.

Марапаттары
  • Социалистік Еңбек Ері
  • Ленин ордені — екі мәрте (08.04.1971; 06.09.1973)
  • «Құрмет Белгісі» ордені (22.03.1966)
  • Қазан төңкерісі ордені (19.02.1981)
  • «Құрмет» ордені

Әдебиет өңдеу

  • Шығыс Қазақстан облысы [Мәтін] : энциклопедия. — Алматы : Қазақ энциклопедиясы, 2014. — Өмірбеков Тілеуғабыл: б. 606.

Сілтеме өңдеу