Төлді бөлу

Төлді бөлу - төлді енесінен ажырату. Мал өсіруде дер кезінде жүргізілуге тиісті жауапты жұмыс. Мал түлігінің биологиялық жетілу кезеңіне сәйкес төлді бөлу уақытылы жүргізіліп, жас мал жынысына қарай бөлініп, бөлек бағылмаса, физиологиялық тұрғыдан жетілгенмен шаруашылық тұрғыдан әлі жетілмеген олардың мезгілсіз шағылысуына жол беріледі де әлсіз, әлжуаз төл алынады. Сондықтан төл бөлуді түліктің жыныстық және шаруашылық жетілу мерзімі мен пайдалану мақсатына қарай жүргізіп, бөлінген жас малдың дұрыс азықтаңдырылуы мен күтімі ұйымдастырылады. Осыны басшылыққа ала отырып, енесінен қозы - 4-4,5, бұзау - 6-8, құлын - 7-9, бота - 9-11, торай - 1,5-2 айлығында бөлінеді.