Төле Кенжебаев

Төле Кенжебаев (1.1. 1902, Алматы облысы,Еңбекшіқазақ ауданы,Шелек ауылы – 18.10.88 Шелек) - 2-дүниежүзілік соғысқа қатысушы, қатардағы жауынгер, Кеӊес Одағыныӊ батыры. Қазан төңкерісінен соң бірнеше жыл былғары зауытында, ұжымшарда аға шопан болып жұмыс істеген. 1942 жылдан Ұлы Отан соғысына қатысқан. 60-гвардиялық атты әскер полкінің (Орталық майдан, 61-армия, 7-гвардиялық атты әскер корпусы, 16-гвардиялық атты әскер дивизиясы) жауынгері. Кенжебаев 1943 жылы 27 қыркүйекте Нивки деревнясы жанында Днепр өзенінен алғашқылардың бірі болып өтті. Өзеннің оң жағалауында жауып тұрған оқтың астында қалтқысы бар екі салды 200 м жерден сүйреп, Кеңес әскері тұрған жағалауға жеткізді. Осылайша бөлімшелердің оң жағалауға өтуін қамтамасыз етті. Кенжебаев жаудың қарсы шабуылын тойтаруға қатысып, 3 жауынгерін өлтіріп, бір офицерді тұтқынға алды. 30 қыркүйекте Галки селосы үшін болған ұрыста ол жаудың 2 әскерін жойды. Қыркүйектің соңында Кеңес әскері Днепр өзеніндегі ұрыстарда шешуші табыстарға жетті. Осы кезде көрсеткен ерекше ерлігі үшін Кенжебаевқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (15.9. 1944)^[1].

Албан тайпасы Қыстық руынан шыққан.^[2]

Ленин, 1-дәрежелі Отан соғысы ордендерімен, медальдармен марапатгалған. Соғыстан кейін Кенжебаев өзінің туған жеріне оралып, «Авангард» ұжымшарының жылқы фермасында жұмыс істеді.^[3]

Дереккөздер

↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 января (№ 4 (264)). — С. 1.
↑ Сағыныш Еспергенұлы Бәйдібек баба - Алып бәйтерек ұрпақтар шежіресі, Қыстық руы кітабы — Алматы: Исламнұр, 2020. — 460 б. — ISBN 9978-601-7295-14-1.
↑ А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 января (№ 4 (264)). — С. 1.

[2] Сағыныш Еспергенұлы Бәйдібек баба - Алып бәйтерек ұрпақтар шежіресі, Қыстық руы кітабы — Алматы: Исламнұр, 2020. — 460 б. — ISBN 9978-601-7295-14-1.

[3] А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х

[1]

[2]

[3]