Федор Афанасьевич Новиков

Федор Афанасьевич Новиков (1935 жылы туған) – партия, кеңес қызметкері.

Жамбыл жеңіл және тамақ өнеркәсібі технология институтын, КОКП Орталық Комитеті жанындағы Жоғары партия мектебін және КОКП ОК жанындағы Қоғамдық ғылымдар академиясын бітірген. Экономика ғылымының кандидаты

1953-61 жж. кірпіш қалаушы, тракторшы,

1961 – 72 жылдары Алматы қалалық сүт заводының компрессор цехының машинисі, Жамбыл ет комбинаты компрессор цехының бастығы, бас механигі, Қаратау және Көкшетау ет комбинаттарының директоры,

1972 – 79 жылдары Көкшетау қалалық кеңесі атқару комитеті төрағасының орынбасары,

1979-82 жылдары Қоғамдық ғылымдар академиясының аспиранты,

1982 – 90 жылдары Көкшетау облыстық партия комитетінің нұсқаушысы, бөлім меңгерушісі, Қазақстан Компартиясы Орталық Комитетінің ауыл шаруашылығы және тамақ өнеркәсібі бөлімі меңгерушісінің орынбасары, Қазақ КСР ет және сүт өнеркәсібі министрі, Атырау облысы кеңесі атқару комитетінің төрағасы болды.

1990 жылы Маңғыстау облысы қайта құрылған кезде облыстық партия комитетінің бірінші хатшысы, облыстық кеңес төрағасы, кейін облыстық әкімшіліктің бастығы қызметтерін атқарды.[1]

Дереккөздер өңдеу

  1. «Батыс Қазақстан облысы» энциклопедиясы, Алматы, 2002;