Федор Константинович Бойко

Федор Константинович Бойко (20 ақпан 1920 жылы, Павлодар облысы, Павлодар ауданында туған) – техника ғылымының докторы (1980 жылы), профессор (1976 жылы). II - дүниежүзілік соғысқа қатысқан. Ленинград техникумын (1939 жылы), Мәскеу индустриялды институтын (1947 жылы) бітірген. 1939–42 жылдары Астрахан облысы, Баскунчак ауданы, Бассоль зауыты басқармасы бастығының және бас механиктің көмекшісі, Павлодар қаласы Октябрь зауытының аға инженер-электригі, бас энергетигі, бас инженрі (1946–50 жылы), Павлодар қалалық комитетінің бөлім меңгерушісі (1951–52 жылдары), Қазақстан КП облысы комитетінің бөлім меңгерушісі (1952–62 жылы), Павлодар индустриялды институтының (қазіргі Павлодар мемлекеттік университеті) проректоры (1962–64 жылдары), Павлодар педагогика институтының доценті (1964–69 жылдары), Павлодар индустриялды институтының кафедра меңгерушісі (1969–76 жылдары), институт ректоры (1976–84 жылдары) қызметтерін атқарды. 1984 жылдан кафедра меңгерушісі, профессор 100-ден астам ғылыми еңбек пен 10 монографияның авторы.

Федор Константинович Бойко
Туған күні	20 ақпан 1920 (1920-02-20)
Туған жері	Рождественка селосы, Павлодар ауданы, Павлодар облысы
Қайтыс болған күні	23 қазан 2007 (2007-10-23) (87 жас)
Ғылыми аясы	электр энергетикасы
Альма-матер	Лениград техникумын

Фёдор Константинович Бүкілодақтық комиссия құрамында бола жүріп, электр жүктемесі бойынша «Өнеркәсіп мекемелерінде электр жүктемесін есептеу бойынша уақытша жетекші көрсеткіштер» атты әдістеме даярлауға қатысты. Сол әдістеме бүгінгі күнге дейін пайдаға асуда.

Келесі маңызды құжат болып табылатын «Электрмен жабдықтану және электр жабдықтары бойынша анықтама» пайдаланушыларға, жобалаушыларға, студенттерге арналған. Бұл анықтама 1986-1987 жылдары екі том болып жарық көрді. Авторлар тобының біреуі Ф. К. Бойко болып табылады.

Шығармалары

• "Методические рекомендации по рациональному использованию электрической энергии на предприятиях цветной металлургии", Омбы, 1972;
• "Повышение эффективности использования оборудования и электроэнергии", Алматы, 1979.

Мыртқы сілтемелер

• "Фёдор Константинович Бойко" Мұрағатталған 14 желтоқсанның 2018 жылы.
• "В Павлодаре умер гениальный изобретатель Ф.Бойко"(қолжетпейтін сілтеме)
• "Фёдор Константинович Бойко. Биобиблиографиялық көрсеткіш. ПАВЛОДАР. С. Торайғыров атындағы ПМУ. «КЕРЕКУ» баспасы. 2015" Мұрағатталған 29 ақпанның 2020 жылы.