Федор Михайлович Мехнин

Федор Михайлович Мехнин(1923, Шығыс Қазақстан облысы, Глубокое ауданы,Тарханка ауылы - 5.3.1944, Украина, Винница облысы,Бершадский ауданы,Березки ауылы) - 2-дүниежүзілік соғысқа қатысушы, старшина, танкінің механик-жүргізушісі. 1939 жылы тракторшылар курсын тәмамдап, МТС-те жұмыс істеді. 1942 жылы Кеңес әскері қатарына шақырылып, бронетанк училищесін бітірді. Ол 1- және 2-Украина майданы 50-танк бригадасында (2-танк армиясы, 3-танк корпусы) ұрыстарға қатысты. Мехнин 1943 жылы«Қызыл Жұлдыз» орденімен марапатталды. Ол әсіресе Винница және Киев облыстары шекарасындағы Терновка елді мекені үшін болған ұрыста ерекше көзге түсті. Мехниннің Т-34 танкісі Терновка ауылына бірінші болып кіріп, жаудың өздігінен жүретін екі зеңбірегін, төрт танкісін, оқ-дәрісі бар 23 автокөлікті және 100-ден астам жауынгерін жойды. 1944 жылдың 5 наурызында Оңтүстік Буг өзенінің өткелін басып алып, бригаданыц негізгі күші келгенше ұстап тұрды. Сол жағалаудағы жау әскерін жойғаннан кейін, өткелдіц арғы жағалауына шығып, шабуыл жасай бастады. Осы жерде мина алаңында танкісі жарылды. Жаудың әскері мен офицерлерін және техникасын жойып, ерлік жасағаны үшін Мехнинге КСРО Жоғарғы Кеңесі Төралкасының Жарлығымен Кеңес Одағының Батыры атағы берілді (13.9.1944). Өскемен қаласында және Тарханка ауылында көше мен осы ауылдағы мектеп Мехниннің есімімен аталады.