Франциск II

	Франциск ІІ; François II
	; ; Франциск ІІ
Лауазымы
Ту	Франция патшасы
10 шілде 1559 — 5 желтоқсан 1560
Тәж кигізу жорасы	21 қыркүйек 1559
Ізашары	Генрих ІІ
Ізбасары	Карл ІХ
Ту	Франция дофины
31 наурыз 1547 — 10 шілде 1559
Ізашары	Генрих ІІ
Ізбасары	Людовик ХІІІ
Ту	Шотландияның патша-консорты
24 сәуір 1558 — 5 желтоқсан 1560
Ізашары	Мария де Гиз
Ізбасары	Генрих Стюарт
Өмірбаяны
Діні	Католицизм
Дүниеге келуі	19 қаңтар 1544 ; Фортенбло сарайы, Франция
Қайтыс болуы	5 желтоқсан 1560 (16 жас)
Жерленді	Сен-Дени аббаттығы, Париж, Франция
Династия	Валуа
Әкесі	Генрих ІІ
Анасы	Екатерина Медичи
Жұбайы	Мария Стюарт
Балалары	балаласыз
	өңдеу

Франциск (Франсуа) II (фр. François II; 19 қаңтар 1544, Фонтенбло сарайы, Франция — 5 желтоқсан 1560, Орлеан, Франция) – 1559 жыл 10 шілдеден бастап Франция королі. 1558 жыл 24 сәуірден бастап Шотландияның патша-консорты. Валуа әулетінен шыққан монарх.

Бала кезі Өңдеу

Франциск ІІ, 1551 жыл

Генрих ІІ үлкен ұлы, атасының құрметіне аталған. 1558 жылы 24 сәуірде Шотландияның жас патшайымы Мария Стюартқа үйленген. Некелескеннен кейін Шотландияның патша-консорты атанды. Франциск пен Мария төрт және алты жаста болғанда (24 қаңтар 1548 жыл) олардың одағы жайлы шешім қабылданған болатын. Кейінгі он жылды Мария Францияда өткізді.

Таққа отыру Өңдеу

Франциск ІІ және Мария Стюарт

1559 жылы 10 шілдеде жазатайым оқиғадан кейін, Генрих ІІ қайтыс болады. Одан кейін таққа отырған Франциск өте аурушаң, қыңыр және психикалық жағынан төзімсіз он бес жасар жасөспірім болған еді. 21 қыркүйекте Реймста оның тәж кию жорасы өтті. Елдің заңы бойынша Франциск кәмелетке толды, бірақ біреудің көмегінсіз ол елді басқара алмайтыны анық болды.

Шынымен де, Франциск мемлекеттік істерді әйелі Мария Стюарттың ағаларына тапсырды. Оның анасы Екатерина Медичи ұлына үлкен ықпал еткен. Мария Стюарттың отбасысы үлкен байлыққа кенелді. Ал жас патша ештеме жасамай, уақытын басқа сарайларға жүріп-тұруға, аңшылыққа жұмсады.

Елдегі діни саясаты Өңдеу

Франциск ІІ, 1559 жыл

Гиздар әулеті таза католиктер болғандықтан бұл Францияның діни саясатына әсер етті. Олар Францисқа әкесінің жолын қууға демеуші болды. 1559 жылы Генрих ІІ жылы дінбұзарлықты жасаған адамдарды өлтіруі туралы заң қабылдаған еді. Оның үстіне Франциск бұл заңдарды қаталдандырды.

Францисктың өлімі Өңдеу

1560 жылы Францисктың құлағын құрт жеп, гангрена басталды. Екі апта ауырып, патша Орлеанда көз жұмды. Оның балалары болмағандықтан, таққа оның он жасар інісі Карл ІХ отырды.