Фредерик Аштон
Фредерик Аштон (ағылш. Frederick Ashton; 1904 ж. 17-қыркүйек; Гуаякиль — 1988 ж. 18-қазан, Суффолк) — 1963—1970 жылдары аралығында Лондондағы Патшалық балет труппасының британдық балетмейстері. Сол кезеңдегі Батыс Еуропадағы алдыңғы қатарлы хореограф.
| Фредерик Аштон | |
| ағылш. Frederick Ashton | |
| [[Сурет: | |
| Туған күні | |
|---|---|
| Туған жері |
Гуаякиль |
| Қайтыс болған күні | |
| Қайтыс болған жері |
Суффолк |
| Азаматтығы | |
| Ұлты |
ағылшын |
| Қызметі |
Балет бишісі, хореограф |
Өмірбаяны
өңдеуЭквадордағы Гуаякиль қаласында дүниеге келген, үш жасында oтбасымен бірге Перуға көшеді. 1917 жылы 13 жасында Аштон Лиманың муниципальды театрында Анна Павлованың ойынын көріп, балетке ғашық болады да, биші болуды мақсат етіп қояды. 1919 жылы ата-анасы оны Ұлыбританиядағы Доверлік колледж ге оқуға жібереді, бірақ ол оны аяқтаған жоқ.
Колледжді тастағаннан кейін, Аштон Лондонға көшіп барып, испан жəне француз тілін білуінің арқасында Ситиден жұмыс таба алды. Жалақысының басым бөлігін Орыс балетінің бишісі Леонид Дягилев өткізетін би сабақтарына жұмсайды. Аштон Лондоннан кетіп бара жатқанда Дягилев оған Рамберден білім алуға кеңес береді.
Дягилев труппасының Лондондағы гастрольдік сапары кезінде Аштон «Ұйқыдағы ару» қойылымын көріп, классикалық балетті одан да қатты жақсы көріп қалады.
Оның арманы биші болу еді. Алайда оның физикалық қабілеттері оның биші болуына кедергі келтірді. Рамбер Аштонның бойындағы хореографияға деген қабілетін танып, оған өзінің алғашқы балеті «The Tragedy of Fashion» 1926 жылы қоюға мүмкіндік береді. Бұл балет үлкен жетістікке жетіп, Аштон табысты балетмейстердің мансабын бастады.
1930 жылдары, негізінен, көңіл көтеретін балеттер қойса, Екінші Дүниежүзілік соғыс кезінде қойылымдарының тақырыптары түнере түседі. 1963 жылдан 1970 жылға дейін бірнеше фильм, қойылым мен операның хореографы ретінде танымал болды. 1959 жылы Патшалық би академиясының атынан ІІ Елизавета сыйлығымен марапатталса, 1962 жылы балетке қосқан үлесі үшін рыцарь атағын алды. Дəл осы жылы Францияның Құрметті легион марапатын алады. Ал 1963 жылы шведтік Данеброг орденін алады.