Функцияны сипаттау

Функцияны сипаттау (орыс. Описание функции; ағылш. function declaration) — міндетті анықтайтын жоғары деңгейдегі бағдарламалау тілінің конструкциясы.

Функцияға атау беруге (егер қажет болса), оның формальдық параметрлерін көрсетуге және алгоритмнің жүзеге асырылатын міндетін анықтауға қызмет етеді. Функцияны сипаттау бағдарламадағы сипаттамалар бөлімінде (мысалы, Паскальда) немесе бағдарламалық модуль түрінде әзірленген бас бағдарламадан (мысалы, Фортранда) кейін орналасады. Функцияны сипаттау формасы нақтылы тілдің синтаксисімен тағайындалады. Әдетте, Функциялық сипаттау денесі мен функцияның бас тақырыбынан тұрады. Тақырыпта функцияның атауы көрсетіледі және формальдық параметрлері көрсетілуі мүмкін. Ал міндеттің денесінде орындалатын алгоритм міндеттері бағдарламаланады.