Хасен Қожахметов
Хасен Қожахметов Кәріпжанұлы, Xасен Қожа Ахмет (9.8.1949 жылы туған, Алматы облысы Ақсу ауданы Матай станция) - композитор.
Арғын тайпасының Тарақты руынан шыққан. [1]
Алматыдағы Чайковский атындағы музыкалық училищесін (1972), ҚазҰУ-ды бітірген (1993).
1986 жылы Желтоқсан көтерілісіне қатысқаны үшін сотталып, кейін ақталады.
1998 жылдан Алматыдағы Республикалық халық аспаптары мұражайының директоры. "Ереуіл атқа ер салмай" (2000), "Таңдаулы жүз ән" (2002) атты кітаптары жарық көрді.
"Құрмет" орденімен марапатталған.[2]
1970 жылдардағы Қазақстандағы диссиденттік баскөтерулердің көшбасшысы. Көтеріліс кезінде Хасен Қожа Ахмет бар-жоғы 23 жаста болған. Оның әріптестерінен айырмашылығы тайсалмағандығында, жүрекжұтқандығында және ашық күресті таңдағанында болды. Есік қаласында тұрып, еңбек еткен. 1975 жылдың күзі мен 1977 жылдың сәуір айында жеке өзі өкіметке қарсы үнпарақтар шығарумен айналысқан. Кеңес Одағы мен КОКП-да орын алған ұлттарды кемсітушілік саясатын әшкерелейтін 670 дана мақала мен үнпарақтарды тарату үшін Алматыға келген. Мал дәрігерлік институтының студенттеріне үнпарақтар таратып жатқан кезде тұтқынға алынады. 2 жылға бас бостандығынан айырылады. [3]
Дереккөздер
өңдеу- ↑ Яһуда Амандықов = Орта жүздің Ноқта ағасы Тарақты шежіресі — Алматы: Комплекс, 2009. — 1120 б. — 2000 таралым. — ISBN 965-611-88-2.
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
- ↑ «Желтоқсан қарлығаштары» кітабы.
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|