Хулугу

Хулугу (т. ж. б. — б.з.б. 85) — ғұн тәңірқұты (б.з.б. 96 — 85). Әкесінің орнына таққа отырған. Оның билігі кезінде ғұндар Хань мемлекетімен соғыс жағдайында тұрды. Бұл соғыста ғұндар басымдық танытты, сондықтан б.з.б. 91 ж. Хань патшасы Уди Чжиян Шун деген елшісін ғұндарға жіберді. Бірақ келесі жылы қытайлар ғұндарға шабуыл жасап, жеңіліске ұшырады да, қолбасшысы қолға түседі. Осыдан кейін Хань патшалығы ғұндарға ханшаларын беріп, құдандалы болу арқылы олардың шабуылынан сақтану саясатын ұстанды.