Челси Клинтон
Челси Виктория Клинтон (ағылш. Chelsea Victoria Clinton. 27 ақпан 1980 жыл) – жазушы, американдық қоғам белсендісі. Ол АҚШ-тың бұрынғы президенті Билл Клинтон мен бұрынғы мемлекет хатшысы, әрі 2016 жылғы Президент сайлауында кандидат болған Хиллари Клинтонның жалғыз қызы. Ол 2011 жылдан 2014 жылға дейін NBC News-тің арнайы тілшісі болып жұмыс атқарған. Ал қазір Clinton Foundation және Clinton Global Initiative-те жұмыс істейді. Аталған фондта басты рөлді атқарып қана қоймай, оның басшылық қызметін де атқарады.
| Челси Клинтон | |
| ағылш. Chelsea Victoria Clinton | |
.jpg) Челси Клинтон 2016 жылдың шілдесінде | |
| Туған күні | |
|---|---|
| Туған жері |
Литл-Рок, АҚШ |
| Азаматтығы | |
| Әкесі |
Билл Клинтон |
| Анасы |
Хиллари Клинтон |
| Жұбайы |
Марк Мезвински |
| Балалары |
3 |
Өмірбаяны
өңдеуЧелси Клинтон 1980 жылы 27 ақпанда Литл-Рокта (Арканзас штаты) дүниеге келген. Хилларидың айтуы бойынша Билл 1969 жылы Джуди Коллинз жазып алған Джони Митчеллдің "Челси морнинг" әнін естігенде «Егер біз қызды болсақ, оның атын Челси деп атаймыз деп шешкен екен». Солай оның есімі осы әнмен байланысты болды.[1][2]
Челси Клинтон екі жаста болған кезде, әкесінің губернаторлық жарысы үшін Арканзас штатындағы үгіт-насихат жұмыстарына қатысқан. Ол кішкентай кезінен оқу-жазуды білген. Ол үш жасында газет оқи алғанын, ал бес жасында президент Рональд Рейганға хат жазғанын айтады.[3]
Клинтон бастауыш сыныпта Форест-Парк және Букер өнер және ғылым Магнит мектептерінде, ал орта мектепті Хорас Манн әне Литл-Рок мемлекеттік мектептерінде оқыды.[4] Ол бала кезінде әкесінің Оңтүстік баптистік сенімінде өсті, кейіннен анасының Методист шіркеуіне барды.[5]
1993 жылы Клинтон АҚШ президенті болған кезде Челси Ақ үйге көшті.
Білім жолы
өңдеуСтэнфорд университеті
Клинтон 1997 жылдың күзінде Стэнфорд университетіне Тарих мамандығына оқуға түсті.[6][7] Кейіннен 2001 жылы стенфорд университетінде тарих мамандығы бойынша жоғары мәртебелі өнер бакалавры дәрежесін алды.
Оксфорд университеті
Челси 2001 жылдан бастап Оксфорд университетінде магистратурада оқып, 2003 жылы халықаралық қатынастар саласындағы философия магистрі дәрежесін алды.[8][9] Оқуды бітіргеннен кейін, Америка Құрама Штаттарына қайтып оралды.
Колумбия университеті
2010 жылдың көктемінде Клинтон, Колумбия университетінің Майлман Қоғамдық денсаулық сақтау мектебінде, қоғамдық денсаулық сақтау саласы бойынша магистр дәрежесін алды.[10][11] Ол 2012 жылдан бастап сол жерде аспирантурада сабақ бере бастады.[12] 12 жасынан бастап Челсидің жеке өмірі телеарналардың назарында болды. Ол әкесінің бет-беделінің бір бөлігі ретінде әрқашан қоғам назарында болды. 2008 және 2016 жылдардағы сайлау науқаны кезінде демократиялық лагерьде Челси анасы Хиллари Клинтонды белсенді түрде қолдады.
Кәсіби өмірі
өңдеу2003 жылы Клинтон Нью-Йорктегі McKinsey & Company консалтингтік фирмасына жұмысқа қабылданды.[13] Ал, 2006 жылдың соңынан бастап Avenue Capital Group-та жұмыс істей бастады. Сонымен қатар Клинтон қорына қаражат жинау апталығының төрағасы болып, кейіннен қордың вице-төрағасына айналды.[14] Ол Американдық балет мектебінің және InterActiveCorp корпорациясының директорлар кеңеснінің мүшесі.[15][16] 2017 жылдың наурызында Клинтон американдық жаһандық туристік компания – Expedia Group-тың директорлар кеңесінің мүшесі болып тағайындалды.[17]
2011 жылы қарашада NBC телеарнасы Челси Клинтонды өзінің арнайы корреспонденті ретінде жалдады.[18] Оның рөлдерінің бірі Брайан Уильямспен бірге NBC Nightly News-тегі рок орталығы үшін "Making a Difference" туралы репортаждар жасау болатын. Бұл үш айлық келісімшарт еді. Бұл келісімшарт Челсиға бір уақытта Клинтон қорында жұмыс істеуге және оқуын жалғастыруға мүмкіндік берді.[19] Оның жұмысына деген көптеген сындарға қарамастан NBC телеарнасы Челси Клинтонмен арадағы келісімшартты 2012 жылдың ақпан айына дейін ұзартты. Клинтонның NBC-дегі жұмысы үшін жылдық жалақысы 600 000 долларды құраған деген мәліметтер де бар.[20]
Клинтон балаларға арналған бес кітаптың авторы және ол кітаптардың екеуі бестселлер болған. Сонымен қатар ол денсаулық сақтау саласындағы жаһандық саясат туралы ғылыми кітаптың бірлескен авторларының бірі. Ол сонымен қатар CNN.com. Time журналы, Huffington Post, Refinery 29 сияқты ірі бұқаралық ақпарат құралдарында көптеген мақалалар мен пікірлер жазған.
Жеке өмірі
өңдеу2010 жылы 31-шілдеде Клинтон инвестициялық банкир Марк Мезвинскийге тұрмысқа шықты.[21] Мезвиннің ата-анасы конгресстің бұрынғы мүшелері еді. Екеуінің де ата-аналары 1990 жылдан бастап таныс әрі дос болған.
Үйлену тойларынан кейін жұбайлар Нью-Йорктегі Грамерси Парк ауданында үш жыл тұрған.[22] Содан кейін Манхэттендегі Номад ауданына көшті. 2014 жылы 26-шы қыркүйекте олардың тұңғыштары Шарлотта есімді қыз дүниеге келеді.[23] Екінші балалары Айдан есімді ұл, 2016 жылдың 18 маусымында дүниеге келген.[24][25] Айдан дүниеге келген күннен бастап олар көрші Флатайрон ауданына көшті.[26] Олардың үшінші балалары, екінші ұлы Джаспер 2019 жылдың 22 шілдесінде дүниеге келген.[27] [28]
Дереккөздер
өңдеу- ↑ Living History (book)
- ↑ THE INAUGURATION; Shedding Light On a Morning And a Name
- ↑ Read the Letter 5-Year-Old Chelsea Clinton Wrote to Ronald Reagan
- ↑ https://web.archive.org/web/20130810145800/http://www.hillary-rodham-clinton.org/chelsea_clinton.html
- ↑ Chelsea Clinton Reveals She Left Baptist Church Over Abortion, Insulted When People Question Hillary's Faith
- ↑ Primed for a Second Stint as First Daughter
- ↑ Stanford graduation for Chelsea Clinton / History major kept low profile at school
- ↑ Chelsea Clinton heads for Oxford
- ↑ https://www.oxfordmail.co.uk/news/6574693.chelsea-faces-finals-test/
- ↑ Chelsea Clinton, All Grown Up
- ↑ Chelsea Clinton, Marc Mezvinsky wedding details: "Like a family wedding" Мұрағатталған 9 қазанның 2010 жылы.
- ↑ Waiting in the Wings: An Exclusive Interview with Chelsea Clinton
- ↑ Primed for a Second Stint as First Daughter
- ↑ Chelsea Clinton gets PhD from Oxford: For what?
- ↑ Chelsea Clinton joins IAC board
- ↑ Chelsea Clinton Joins IAC Board
- ↑ Chelsea Clinton gets $250K/year Expedia board seat, just 'cuz
- ↑ Chelsea Clinton to Report for NBC
- ↑ Chelsea Clinton’s TV News Debut
- ↑ Chelsea Clinton paid $600K by NBC
- ↑ Chelsea Clinton Announces Engagement
- ↑ Town Elbows Its Way Into Clinton Wedding
- ↑ Daughter for Chelsea Clinton (and Granddaughter for a Certain Couple)
- ↑ Chelsea Clinton gives birth to son Aidan
- ↑ Chelsea Clinton gives birth to second child, son Aidan
- ↑ Chelsea Clinton's Former Madison Square Park Pad Already in Contract
- ↑ https://twitter.com/ChelseaClinton/status/1153312383798075393
- ↑ https://twitter.com/ChelseaClinton/status/1087784023399776256