Шади

ортағасырлық тарихшы, жыршы, “Фатхнама”

Шади, Молла Шади (туған-өлген жылы белгісіз) — ортағасырлық тарихшы, жыршы, “Фатхнама” авторының өмірі жайында жазба деректерде мағлұматтар жоққа тән. Тек қана Бабырдың естелігінде Шади жыршының баласы Гулям Шадидің ән шығаратыны жөнінде еске алынып, оның тамаша нахшылары мен сауттары бар екені айтылады. Мұхаммед Шайбани хан оны Қазан ханы Мұхаммед Аминге жіберіп, содан қайтып оралмады делінген. Бабырдың айтуынша Гулям Шади Шади-бачаның інісі. 15 ғасырдың соңы мен 16 ғасырдың бас кезінде Шади есімді әкелі-балалы үш адам болған. Тарихшылар үш Шадидің өнеріне, әлеуметтік ісіне қарап “Фатхнаманың” авторы Гулям Шади деген қорытындыға келген. Мұның басты дәлелі Гулям Шади Мұхаммед Шайбанидің сарайында қызмет еткен, ал шығарма сол әулеттің тарихын баяндайды.[1]

Әдебиет өңдеу

  • Материалы по истории казахских ханств 15 — 18 веков, ауылы -А., 1969;
  • Захир ад-Дин Мухаммед Бабыр, Бабырнама, ауылы , 1993.

Сілтемелер өңдеу

Дереккөздер өңдеу

  1. Қазақ Энциклопедиясы, 9 том 18 бөлім