Шамғон Сағаддинұлы Қажығалиев

Шамғон Сағаддинұлы Қажығалиев (15.6.1927, Жаңақала ауданы, бұр. Карл Маркс атынд. ұжымшар - 03.05.2015, Алматы) - дирижер, Қазақстанның (1967) және КСРО-ның халық артисі, профессор (1980).

Шамғон Сағаддинұлы Қажығалиев
Туған күні	15 маусым 1927 (1927-06-15)
Туған жері	КСРО, Қазақ АКСРі, Орал губерниясы, Бөкей уезді, Ұялықұм ауылы
Қайтыс болған күні	3 мамыр 2015 (2015-05-03) (87 жас)
Қайтыс болған жері	Қазақстан, Алматы қаласы
Азаматтығы	Қазақстан КСРО (1927-1991)
Ғылыми дәрежесі	Профессор
Атақты шәкірттері	А.Мырзабеков М.Әубәкіров Д.Ботпаев О.Байділдаев
Марапаттары

Төлеңгіт руынан шыққан. 1950 ж. Алматы консерваториясының Халық аспаптар факультетін (А.Қ.Жұбанов пен Л.М.Шаргородский класы бойынша, сонымен қатар скрипкадан профессор И.А.Лесманнан, домбырадан Қазақстанның Халық артисі Қ.Жантілеуовтен сабақ алды), ал 1964 ж. Ленинград консерваториясының опера-симфония дирижері факультетін (профессор Э.П.Грикуровтың класы бойынша) бітірді. Алғаш халық аспаптар оркестрінің домбырашысы, жетекші домбырашысы, кейін дирижері қызметін атқарды. 195060,1964-68 және 1971-89 ж. Қазақтың халық аспаптар оркестрінің, 1968-71 ж. Қазақ симфониялық оркестрінің көркемдік жағын басқарушы әрі бас дирижері. Кажығалиев оркестр музыканттарының ансамбльдік орындаушылық мәдениетін көтеріп, кәсіби шеберлігін шыңдай түсті. Оркестр құрамындағы халық музыкасы аспаптарын жаңалап, олардың дыбыс бояуын байытып, жетілдіруге ықпал етті. Сондай-ақ оркестр репертуарын әлемдік классика шығармаларымен толықтырып, эстетик. тәрбие беруге зор үлес қосты. Қажығалиев халық аспаптар оркестрін бастап көптеген шетелдерде онер көрсетті. 70-80 жылдары Алматы консерваториясында педагогикалық қызметпен шүғылданады.

Шәкірттері: дирижерлер А.Мырзабеков, М.Әубәкіров, домбырашы, композитор Д.Ботпаев, музыка зерттеушісі О.Байділдаев, т.б.

Қажығалиев 1953 ж. Бухаресте өткен Жастар мен студенттердің дүние жүзілік фестивалінің лауреаты. Қазақстан Мемлекеттік сыйлығының лауреаты (1982, 1980-82 жылдардағы конңерттік бағдарламасы үшін). Еңбек Қызыл ту, Халықтар достығы және «Құрмет Белгісі» ордендерімен марапатталған.