Уикипедия

Шахмет Құсайынов атындағы Ақмола облыстық қазақ музыкалық-драма театры

Ш. Құсайынов атындағы Ақмола облыстық қазақ музыкалық-драма театры — Ақмола облыстық қазақ музыкалық-драма театры – мәдени-сахналық өнер ұжымы.

Ш. Құсайынов атындағы Ақмола облыстық қазақ музыкалық-драма театры
Орналасуы Көкшетау, Ақмола облысы,  Қазақстан
Негізделгені 1966 жыл
Көркемдік жетекшісі Фархадбек Қанафин
Сайты kazdramteatr.kz

1996 жыл 6 наурызда Көкшетау қаласында Ғ.Мүсіреповтің “Ақан сері – Ақтоқты” қойылымымен ашылды (реж. Ж. Омаров). Осы жылы театрға Ш.Хұсайыновтың есімі берілді. Театрдың алғашқы көркемдік жетекшісі әрі бас директоры М.Оспанов. К. д. т-ның негізін қалаған актерлер тобы Алматыдағы Т.Жүргенов атынд. кино және театр ин-тының (қазіргі Қазақ ұлттық өнер академиясы) түлектері: Қ.Мырзаболатов, Қ.Қалқатаев, Ж.Қалдаров, Е.Дүнгенов, С.Шаймерденов, Ж.Құсайынов, А.Жүнісова, т.б.[1]

Театрда Қазақстанның Халық артисі Ж. Бағысова, Қазақстан Республикасы Мемл. сыйл. иегері, театрдың бас суретшісі М.Мақсұт еңбек етеді. Театр ұжымы 50-ден астам пьесаны сахналады. Театр репертуарында қазақ, орыс және шет ел драматургиясы (Хұсайыновтың “Алдар көсе”, С. Балғабаевтың “Ең әдемі келіншек”, А. Хасеновтың “Пай-пай жас жұбайлар-ай”, Т. Қажыбаевтың “Жындар биі”, “Ұмытпа мені Гәккуім”, Д. Исабековтің “Мұрагерлер”, Н.В. Гогольдің “Ревизор”, С. Ахмадтың “Келіндер көтерілісі”, Б. Әлімжановтың “Құдалық”, У.Шекспирдің “Король Лир”, Ш. Айтматовтың “Ғасырдан да ұзақ күн”, т.б.) бар.[2]

Театр ұжымы 2000 жыл Павлодар қаласында өткен Республикалық 8-театр өнері фестивалінде “Режиссерлік дебют” жүлдесін (“Ревизор”, реж. Г. Мерғалиева), 2001 жыл Каир қаласында (Египет) өткен халықар. фестивальде “Орындаушылығы ең шебер театр” (“Конвейер”, реж. Мерғалиева) жүлдесін жеңіп алды. Осы жылы Алматыда “Ойын арзан, күлкі қымбат” атты шағын комедиялар фестивалінде респ. “Гран-при” жүлдесін жеңіп алды.

Театр актеры Елтай Мұстанов 2012 жылдың қараша айында Қарағанды қаласында өткен Оперетта орындаушыларының І Халықаралық Досstar конкурсына қатысып, жүлделі бірінші орынды жеңіп алды.[3]

Дереккөздер

өңдеу
  1. ↑ Шахмет Құсайынов атындағы облыстық қазақ музыкалық-драма театры жайында қысқаша мағлұмат  (қаз.). Kazdramteatr.kz. Тексерілді, 3 қаңтар 2025.
  2. ↑ Шахмет Құсайынов атындағы қазақ музыкалық-драма театры туралы не білеміз?  (қаз.). Sputnik.kz (16 наурыз 2018). Тексерілді, 3 қаңтар 2025.
  3. ↑ Шахмет Құсайынов атындағы Ақмола облыстық қазақ музыкалық-драма театры  (қаз.). Madeniportal.kz (22 наурыз 2018). Тексерілді, 3 қаңтар 2025.
«https://kk.wikipedia.org/w/index.php?title=Шахмет_Құсайынов_атындағы_Ақмола_облыстық_қазақ_музыкалық-драма_театры&oldid=3417041» бетінен алынған