Шегебай Бектасұлы

Шегебай Бектасұлы (1844, бұрынғы Сырдария облысы, Қазалы уезінің Қуандария болысы, - 1916, қазіргі Қызылорда облысы, Қармақшы ауданы, Тұрмағанбет Ізтілеуов ауылы) - ақын. Шегебай 15 жасынан топқа түсіп, ауыл аймаққа есімі таныла бастаған. Өлең шығарып, оны жырласа, сонымен бірге жұмбақ айтыстарды шешуге қатысқан. Ерімбет пен Шораяқтың Омарына аралық сөз айтып, олардыңайтысына араласқан. Шегебай 1885 жылы Сарыбай-Құлназармен айтысып, Ырысты қыздың жұмбағын шешуге қатысқан. "Бекіш биге", "Айшаға", "Омарға", "Жоқшылық", "Тілек", "Үміт", "Ешекең", "Би-батырларды жырлаймын", "Шегебай қиял ойлай сөзді баста" сияқты өлең-жырлар жазған.