Шекербек Садықанұлы

Шекербек Садықанұлы (23. 12.1936 жылы туған, Меркі ауданы Қостоған ауылы) – журналист, ақын.

Өмірбаяны

1936 жылы 23 желтоқсанда Жамбыл облысы, Меркі ауданының Қостоғай ауылында дүниеге келген. Алматы жоғары партия мектебін бітірген. Қазақстан Жазушылар және Журналистер одақтарының Ұзақ Бағаев атындағы сыйлығының, Жамбыл атындағы халықаралық сыйлықтың лауреаты.

Луғовой темір жолы бекетінде жұмысшы, Жамбыл облыстық «Ақжол», Меркі аудандық «Меркі таңы», Алматы облыстық «Жетісу» газеттерінде корректор, әдеби қызметкер, бөлім меңгерушісі болып еңбек еткен. Алматы облысы, Қарасай аудандық «Заман жартысы» газетінде бас редактор болды. Қазір зейнеткер.

«Тәуіп пен дәрігер» атты тұңғыш поэмасы «Жас Алаш» («Лениншіл жас») ғазетінде 1958 жылы жарық көрген. Алғаш айтыскер ақын ретінде танылған. Айтыс өлеңдері «Ақындар шықты айтысқа» (1958), «Айтыс» жинағының үшінші (1960) кітабында жарияланған.

«Әкем менің» (1975), «Мұрат» (1978), «Алтын шақпақ» (1980), «Найзағай жарқылдары» (1982), «Аманжолдың ерліғі» (1985) атты жыр жинақтары жарық көрген. Соңғы жылдары «Жайна, жасыл дүние», «Дүние дәурен» және «Аққу арман» жинақтары оқырман қолына тиді.

Айтыстары

Ақындармен айтысы «Ақындар шықты айтысқа» (Алматы, 1960) атты кітапта, одан кейін «Айтыс» (1966) кітабының үшінші томында жарияланған. «Тәуіп пен дәрігер» (1978), «Әкем менің» (1975), «Мұрат» (1980), «Найзағай жарқылы» (1978), «Алтын шапақ» (1980), «Аманжолдың ерлігі» (1985), «Жайна жасыл дүние» (1999), «Дүние дәурен» (2001), «Ах-ау, арман» (2002) атты бірнеше жыр жинақтары жарық көрген. Қазақстан Жазушылар одағының мүшесі. Қазақстан Журналистер одағының Ұзақ Бағаев атындағы сыйлығының және Жамбыл атындағы Халықаралық сыйлықтың лауреаты. Қаскелең қаласының құрметті азаматы.