Экваторлық орман белдемі
Экваторлық орман белдемі – экватор белдеуіндегі құрлықтық табиғи белдем. Мұндағы климаттық маусымдар арасында айтарлықтай айырма болмайды. Температурасы тұрақты, жоғары және ауасы үнемі ылғалды экваторлық климат тән. Табиғи ландшафтында қалың көп қабатты ылғалды мәңгі жасыл ну орман (гилея) басым, теңіз жағалауын қуалай мангр орманы өседі. Бұл ормандар жоғары өнімділігімен (жылдық өнімділігі 40 – 50 т/га, кей жерлерде 100 т/га) және әртүрлілігімен (пальма, лиана, эпифит) ерекшелінеді. Соңғы жылдары өрт пен ағаш дайындау әсерінен орман ауданының кемуі байқалады. Топырағы негізінен күлгін, қызғылт. Өзен торы өте жиі. Жануарлар дүниесі алуан түрлі. Экваторлық орман белдемі Оңтүстік Американың Амазона алабында, Экваторлық Африкада, Оңтүстік-Шығыс Азия және Мұхит аралдарының маңында таралған.[1]
Дереккөздер
өңдеу- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том;
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |