Юрий Борисович Померанцев

Юрий Борисович Померанцев (11 ақпан 1923, Киев, Украин КСР, КСРО — 23 наурыз 2022, Алматы) — актер, режиссер, педагог, Қазақ КСР-інің халық артисі (1961).

Юрий Борисович Померанцев
Туған күні	11 ақпан 1923 (1923-02-11)
Туған жері	Киев, Украин КСР, КСРО
Қайтыс болған күні	23 наурыз 2022 (2022-03-23) (99 жас)
Қайтыс болған жері	Алматы, Қазақстан
Азаматтығы	КСРО  Қазақстан
Қызметі	театр режиссёрі, актер
Белсенді жылдары	1943 — 2022
Театр	М.Ю. Лермонтов атындағы орыс драма театры
Марапаттары
IMDb	ID 0690064

Өмірбаяны

• 2-дүниежүзілік соғысқа қатысқан.
• Сахналық өнер жолын 1943 жылы Қазақтың мемлекеттік академиялық опера және балет театрынан бастады.
• 1945—1953 жылдары Балалар мен жасөспірімдер театрының орыс группасында қызмет етті.
• Спектакльдер қоюмен және педагогикалық қызметпен де шұғылданды.
• 7-сайлауда Қазақ КСР-і Жоғарғы Кеңесінің депутаты болған.

Ойнаған рольдері

Тұңғыш ойнаған рөлі — С.В. Михалковтың “Мақтаншақ қоянындағы” қасқыр. Сонымен қатар ол әр алуан шынайы сахналық образдар галереясын жасады. Ойнаған басты рөлдері қатарында қазақ драматургиясы бойынша

• ойшыл, ақын Абай
• оның жақын, пікірлес достарының бірі Долгов (М.Әуезов, Л.С. Соболев “Абай”)
• болыс Майқан (Әуезов “Түнгі сарын”)
• Варламов (М.Сәрсекеев “Жарылыс”), т.б. секілді ой-санасы мен ішкі жан сезімі бір-біріне ұқсамайтын мінез-кейіптер бар.

Ол — сөздің мән-мағынасына ерекше ден қоятын, өткір мінезді, сахналық бояуы мол актер.

• 1957 жылдан киноға түскен: дәрігер Лавров (“Біздің сүйікті дәрігерде”), т.б.

Марапаттары

• Қазақ КСР-і мемлекеттік сыйлығын (М.Ф. Шатровтың “Алтыншы шілде” спектакліндегі Дзержинский рөлі үшін, 1967) алған.
• Еңбек Қызыл Ту ордені
• 2 рет “Құрмет белгісі” ордені
• медальдармен марапатталған.