Ялкунжан Ахметұлы Шамиев

Ялкунжан Ахметұлы Шамиев (17 шілде 1953 жылы Алматы облысы Шелек ауылында туған) — қазақстандық театр режиссері. Қазақстанның еңбек сіңірген қайраткері. Қазақстан Ленин комсомолы сыйлығының және Тәуелсіз «Ильхом» сыйлығының лауреаты.

Ялкунжан Ахметұлы Шамиев
Жалпы мағлұмат
Туған күні	13 шілде 1953 (1953-07-13) (70 жас)
Туған жері	Алматы облысы, Шелек ауылы
Азаматтығы	Қазақ КСР  Қазақстан
Мамандығы	театр режиссері
Белсенді жылдары	1974 – осы уақыт
Марапаттары	Құрмет ордені Қазақстанның еңбек сіңірген қайраткері

Жалпы мәліметтер

Әкесі - Ахмет Шәмиев (1908-1983), Қазақстан Республикасының Халық әртісі. Анасы - Тохтанова Ризвангүл, зейнеткер, Қазақстан Республикасының Еңбек сіңірген әртісі. Құрманғазы атындағы Өнер институтының театр факультөтін бітірген (1974), драма актері; Алматы мемлекеттік театр-көркемөнер институтының режиссерлік факультетін бітірген (1983), қоюшы-режиссер;

Білімі

Жоғары режиссерлік мектепті бітірген (Санкт-Петербург, 1987). Ұйғыр, өзбек, қазақ және орыс тілдерін біледі.

Еңбек жолы

• 1974 жылдан - Қ. Қожамияров атындағы Мемлекеттік республикалық ұйғыр музыкалық комедия театрының драма актері.
• 1983- 1985 жылдары - Мемлекеттік кіші драма театрының қоюшы-режиссері (Санкт-Петербург).
• 1987-2010 жылдары - Қ. Қожамияров атындағы Мемлекеттік республикалық уйғыр музыкалық комедия театрының бас режиссері.
• 1987-2002 жылдары - Т. Жүргенов атындағы Қазақ ұлттық өнер академиясының аға оқытушысы.
• 2010 жылдың сәуір айынан бері - Қ. Қожамияров атындағы Мемлекеттік республикалық ұйғыр музыкалық комедия театрының режиссері.
• Театрдың көркемдік кеңесінің мүшесі. «Пана», «Бостан» қайырымдылық қорларының мүшесі.

Марапаттары

• 1982 жылы «Яшлық» ВАА құрамында Қазақстан Ленин комсомолы сыйлығының лауреаты;
• 1998 жылы Халықаралық бейнелеу өнері фестивалінің (Венгрия,
• ҚР тұңғыш президенті - елбасының Нұрсұлтан Әбішұлы Назарбаевтың жеке алғыс хатымен марапатталған.
• 2001 жылы Тәуелсіз «Ильхом» сыйлығының лауреаты;
• 2002 жылы «Құрмет ордені» нің иегері.
• 2013 жылы Қазақстанның еңбек сіңірген қайраткері құрметті атағымен марапатталды.

Жеке қасиеттері

Діни көзқарасы - мұсылман. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «20 жыл ішінде Қазақстан ұлы мемлекетке айналады; мемлекеттің беделі тек Азияда ғана емес, бүкіл әлемде жоғары болады». Хоббиі - спорт (футбол), шахмат, гитара (эстрадаға арнап ән жазады). Сүйіп оқитын әдебиеті - әлемдік және қазіргі заманғы әдебиеттің классикасы, Шығыстың поэзиясы.

Отбасы

Үйленген. Жұбайы - Ахмадиева Бахаргүл Абдиримқызы (1956 ж. т.), Қ. Қожамияров атындағы Мемлекеттік республикалық ұйғыр музыкалық комедия театрының актрисасы. Ұлдары - Ядықар, «Яшлық» ансамблінің музыканты, музыкалық өңдеушісі, композиторы, Эльяр.