Жақып (пайғамбар)

Жақып немесе Яқуб (ивр. יַעֲקֹב‎, Яаков; Исламда – араб.: يعقوب ‎, Якуб) — Інжіл және Қасиетті Құран кейіпкері. Кейбір тарихшылар Палестинада туды деседі. Әкесі Исхақтың тәрбиесінде өскен. Исхақ қасиетті Кұддыста Пайғамбар болып, 80 жыл ғұмырын сонда өткізген. Еңкейген шағында Аллаһтың рахымымен егіз ұл көрген. Бірінің есімі – Иесу, екіншісі – Жақып. Исхақ Жақыпқа алғыс батасын береді. Иесу бұған қызғаныш етеді, ниеті бұзылады. Мұны шешесі сезіп, Жақыпты нағашысына жібереді. Нағашысына барар жолда түсіне аспанға өрлеп бара жатқан періштелер кіреді. Аллаһ Тағала Жақыпқа:

Жақып ﵇
араб.: يَعْقُوب‎
Туған күні	б. з. д. XVIII ғ.
Туған жері	Сирия немесе Мадьян
Қайтыс болған күні	б. з. д. XVII ғ.
Қайтыс болған жері	Ежелгі Мысыр (Әл-Халил үңгірінде әкесінің қасында Палестинада жерленген)
Қызметі	Пайғамбар
Әкесі	Ысқақ
Анасы	Ребекка
Жұбайы	Рахиль, Лея
Балалары	Ұлдары: Рабіл, Шамғун, Лави, Яһуда, Исаһар, Заблун, Дан, Нафтали, Ашир, Жад, Жүсіп, Биньямин Және бір қызы: Динар

«Мен саған береке берейін, ұрпағыңды көбейтемін, осы жерді – Баитл Мұхаддасты сол ұрпақтарына мекен етемін» – дейді.

Жақып қуанып оянады. Сол түсі бойынша Аллаһқа арнал бір ғибадатхана салуды мақсат тұтады. Кейін, ғибадатхана салатын орынды белгілейді. Сол жерде Баитл Мұхаддас бой көтереді. Жақып(ғ.с.)-да 12 ұл болады.

Исраилдың он екі тайпасы солардан өрбиді. Әр тайпа әр ұлының есімімен аталады. Ал, Жүсіптен айрылған соң Жақып (ғ.с.) жылап-сықтап, көзден айрылады. Жүсіппен табысқанда қарашығы қайта ашылады. Кейін Жүсіптің қолына келіп, 147 жасыңда қайтыс болады. Мәйіті кейінірек әкесі Исхақтың Палестинадағы зиратына әкеліп қойылады. Құранда Жақып есімі 17 жерде аталады.

Ысқақ пайғамбардың Ребеккадан жиырма жыл уақыттан кейін тұған ұлы, пайғамбар.