Ғылыми кеңес

Ғылыми кеңес – жоғары оқу орны мен ғылыми-зерттеу институттарындағы ғылыми-зерттеу жұмыстарының, әдістемелік және оқу-тәрбие жұмыстарының негізгі бағыттарын қарастырып, басшылық жасайтын алқалық орган. Ғылыми кеңес ректордың (директордың) басшылығымен жұмыс істейді. Кейде институт жанынан бірлескен ғылыми кеңес немесе оның бөлімшесі ұйымдастырылады. Ғылыми кеңестің міндеті: ғылыми-зерттеу және тәжірибе-сынақтық, конструкторлық жұмыстардың жоспарын жасау; ғылым және ғылыми-педагогика мамандар даярлау мәселелері; ғыл. және ғылыми-әдістемелік еңбектерді баспаға дайындау; ғылыми-ұйымдастыру қызметі; құрылымдық салаларының жұмыстары туралы есептерін тыңдау; халықаралық ғылыми байланыс пен аса маңызды ғыл. проблемаларды талқылау болып табылады. Ғылыми кеңестің төрағасы жоғары оқу орнының ректоры немесе институт директоры болады. Ғылыми кеңестің арнайы құрамы, негізінен, 3–5 жылға бекітіледі. Ғылыми кеңесті жүргізу тәртібін кеңес басшысы белгілейді. Ал ғылыми дәреже алу үшін диссертациялар қорғалатын Ғылыми кеңестер диссертациялық кеңес деп аталады.

Дереккөздер

<references>