Ғылым алдыңғы шепте болсын (мақала)

Ғылым алдыңғы шепте болсын – Қаныш Сәтбаевтың мақаласы. 2007 жылы «Оңтүстік полиграфия» баспа үйінен шыққан шығармалар жинағының 1 - томына енген. «Социалистік Қазақстан» (қазіргі «Егемен Қазақстан») газетінің 1962 жылғы 1 маусымдағы санында басылған. Бұл мақаласында Кеңес өкіметінің еліміздегі халық шаруашылықтарын, ғылым мен мәдениетті шын мәнісінде аса күшті қарқынмен өркендетуді қамтамасыз етіп жатқаны, соның ішінде ғылымның металлогения және пайдалы қазбаларды болжау, жер астындағы кен жумыстарын түгел механикаландыру, амальгамдық металлургия, циклоиды және гидрометаллург, процесстер, астрофизика, жемшөп микробиологиясы, лимфатикалық жүйенің физиологиясы, бруцеллез және басқа бағыттары жөнінен республикалық Ғылым Академиясы Одақта басты орындардың бірін алып отырғаны, ғылымның машиналық есептеу математикасы, ядролық спектроскопия, полимерлер химиясы, изотопты әдістерді қолданып, геологиялық формациялар мен кентасты кен орындарының нақтылы мезгілін анықтау, топырақтың эрозиясы, микроэлементтер, радиациялық медицина сияқты және басқа жаңа әрі маңызды бағыттары жөнінде зерттеулер ұйымдастырылғаны жайлы жазылған.